پێدایش 36:6 - هُدائے پاکێن کتاب، بلۆچی زبانا

⁶ ایسّوا وتی جَن و بَچّ و جنکّ و لۆگئے سجّهێن مردم، وتی مال و دَلوَت و جانوَر و هرچے که آییا کَنهانا چِتگ و نَزّ آورتگ‌اَت، گۆن وت زُرتنت و چه وتی برات آکوبا دور دگه مُلکێا شت.

پێدایش 36:6 Кръстосани препратки

پێدایش 12:5

اِبراما وتی لۆگی سارایی و برازاتک لوت همراه کرتنت و دێم په کَنهانا راه گپت. هما سجّهێن مال که آیان مُچّ کرتگ‌اَتنت و هما مردم که هارانا آیانی دستا کپتگ‌اَتنت، آییا گۆن وت بُرتنت گۆن. کَنهانئے سرڈگارا آتک و رستنت.

پێدایش 13:11

گڑا لوتا اُردُنئے سجّهێن دشت په وت گچێن کرت و دێم په رۆدراتکا راه گِپت و دوێن مرد چه یکدومیا جِتا بوتنت.

پێدایش 13:6

بله جاگه په لوت و اِبرامئے یکجاه نِندَگا کَمّ اَت، چێا که مال و دَلوَتِش باز اَت. پمێشکا هۆر نِشتِشَ نکرت.

پێدایش 17:8

من کَنهانئے سجّهێن سرڈگارا، که انّون تئو اِدا دَرامَدے ائے، تئیی و چه تئو رند تئیی نَسل و پَدرێچئے اَبَدی مِلکتَ کنان و آیانی هُدا بان.“

پێدایش 25:23

هُداوندا گوَشت: ”دو راج تئیی لاپا اِنت. دو کئوم چه تئیی لاپئے تها سِدیت. یکّ راجے چه دومیا زۆرمندترَ بیت و مسترێن، کَسترێنئے هِزمتا کنت.“

پێدایش 28:4

هُدا ترا و تئیی نَسل و پَدرێچا هما برکتا بدئیات که اِبراهێمارا داتگی، که هما سرڈگارئے واهند ببئے که انّون اۆدا دَرامدێئے پئیما زند گوازێنگا ائے، هما سرڈگار که هُدایا اِبراهێمارا بَکشاتگ.“

پێدایش 32:3

چه وت و پێسر کاسدی سَهیرئے سرڈگارا، اِدومئے دَمگا وتی برات ایسّوئے کرّا راه داتنت و

پێدایش 36:5

یَهوش و یَهلام و کۆرا چه اُهولیبامَها پێدا بوتنت. اِش اَتنت ایسّوئے مردێن‌چُکّ که کَنهانئے سرڈگارا پێدا بوتنت.

اِلهام 18:13

دارچینی، مَساله، سۆچُکی، مُرّ، سۆچَگی، شراب، زئیتونئے ٹێل، گهترێن آرت، گندم، گۆک و پس، اسپ و اسپ‌گاڑی، گُلام و انسانی زِند.