پێدایش 29:18 - هُدائے پاکێن کتاب، بلۆچی زبانا

¹⁸ آکوبا راهیل دۆست بوت، گوَشتی: ”اگن منا وتی کَسترێن جنکّ راهیلا بدئیئے، من په تئو هپت سالا کارَ کنان.“

پێدایش 29:18 Кръстосани препратки

پێدایش 24:67

اِساکا رِبِکّا زرت و وتی ماتئے، بزان سارَهئے گِدانا آورت و گۆن رِبِکّایا سوری کرت. آ، اِساکئے لۆگی بوت و اِساکا سکّ دۆست اَت. اِساک که وتی ماتئے مرکا گَمیگ اَت، نون آرام گِپت.

پێدایش 29:19

لابانا گوَشت: ”شَرتر اِنت که من راهیلا دگه مردێئے بدلا ترا بدئیان. همِدا منی کِرّا بدار.“

پێدایش 29:20

گڑا آکوبا په راهیلئیگی تان هپت سالا کار کرت، بله راهیلی اَنچۆ دۆست اَت که آکوبئے دلا اے هپتێن سال پوره لهتێن رۆچ اَتنت.

پێدایش 29:30

آکوب گۆن راهیلا هم هۆر بوت. راهیلی چه لیاها دۆست‌تر اَت. آکوبا دگه هپت سال په لابانا هِزمت کرت.

پێدایش 30:26

په اے جَن و چُکّانیگی که تئیی هِزمتُن کرتگ، اِشان منا بدئے که زورانِش و رئوان. تئو وتَ زانئے که من په تئو چینچُک کار کرتگ.“

پێدایش 31:41

تئیی لۆگا بیست سالا منی هال همے بوتگ. من چارده سال تئیی دوێن جنکّانی هاترا په تئو کار کرتگ و شش سال تئیی رمگانی هاترا. اَنگت تئو ده رندا منی مُزّ بدل کرتگ.

پێدایش 34:12

بانۆرئے هَکمِهرا بگوَشێت و هر مالے که لۆٹێت، همینچُک که گوَشێت، من شمارا دئیان. بَسّ اے جنکّا گۆن من سور بدئیێت.“