پێدایش 28:2 - هُدائے پاکێن کتاب، بلۆچی زبانا

² زوتّ پَدّان‌اَراما برئو، وتی ماتئے پت بِتوێلئے لۆگا. همۆدا، گۆن وتی ماتئے برات لابانئے جنکّێا سور کن.

پێدایش 28:2 Кръстосани препратки

پێدایش 24:10

هِزمتکارا چه وتی واجهئے اُشتران ده اُشتر زُرت و رهادگ بوت. چه واجهئے نێمگا تَهر تَهرێن گچێنی ٹێکی آییا گۆن اَت. پاد آتک و دێم په اَرام‌نَهرئیما رئوان بوت. ناهۆرئے شهر همۆدا اَت.

پێدایش 24:29

رِبِکّایا براتے هست‌اَت که نامی لابان اَت. لابان تچان بوت و چَمّگئے کِرّا، هِزمتکارئے نێمگا شت.

پێدایش 24:4

منی مُلکا رئوئے و منی چُکّ اِساکا همۆدا چه منی جندئے سیادان جَنے دئیئے.“

پێدایش 24:50

لابان و بِتوێلا پَسّئو دات: ”اے کار چه هُداوندئے نێمگا بوتگ. مارا اِشیئے بارئوا نه ’هئو‘ کنگئے اهتیارے هست و نه ’اِنّه‘ کنگئے.

پێدایش 25:20

اِساکئے اُمر چِلّ سال اَت وهدے گۆن رِبِکّایا سوری کرت. رِبِکّا، بِتوێل اَرَماییئے جنکّ و لابان اَرَماییئے گهار اَت. بِتوێل پَدّان‌اَرامئے مردمے اَت.

پێدایش 28:5

گڑا اِساکا آکوب راه دات و آکوب پَدّان‌اَراما بِتوێل اَرَماییئے چُکّ لابانئے کِرّا شت. لابان، ایسّو و آکوبئے مات رِبِکّائے برات اَت.

پێدایش 29:1

آکوب راه گِپت، شت و شت تانکه رۆدراتکی مردمانی مُلکا سر بوت.

پێدایش 31:18

پَدّان‌اَراما وتی کَٹّتگێن سجّهێن مال و هستی‌ای زُرت و وتی سجّهێن رمگی سَر دئیان کرت و دێم په کَنهانئے مُلکا وتی پت اِساکئے نێمگا راه گِپت.

پێدایش 32:10

منِ آکوب اینچُک مِهر و وپا نکَرزان که تئو گۆن وتی هِزمتکارا کرتگ. وهدے من چه اُردُنئے کئورا گوَزگا اَتان، منا بَسّ وتی اَسا گۆن اَت، بله نون دو اُردگاهئے واهُند آن.

پێدایش 33:18

آکوب که چه پَدّان‌اَراما پِر ترّگا اَت، شِکێمئے شهرا کَنهانئے سرڈگارا په سلامتی سر بوت و شهرئے نزّیکّا اُردی کرت.

پێدایش 35:9

آکوب که چه پَدّان‌اَراما آتک، هُدا پدا آییئے دێما زاهر بوت و آکوبی برکت دات.

پێدایش 46:15

آکوب و لیاهئے مردێن‌چُکّ همِش اَتنت که پَدّان‌اَرامئے مُلکا پێدا بوتگ‌اَتنت. آکوب و لیاهئے جنکّ دینَه هم همۆدا پێدا بوتگ‌اَت. آکوبئے اے بَچّ و جنکّ سَرجمیا سی و سئے اَتنت.