پێدایش 28:15 - هُدائے پاکێن کتاب، بلۆچی زبانا

¹⁵ بچار، من گۆن تئو گۆن آن و هر کجا که رئوئے تئیی چار و گُزارا کنان و ترا پدا همے سرڈگارا کاران. تانکه من گۆن تئو وتی کئول پوره نکرتگ، ترا یلهَ ندئیان.“

پێدایش 28:15 Кръстосани препратки

پێدایش 21:20

چُکّ رُدان بوت و هُدا گۆن آییا گۆن اَت. چُکّا گیابانا زندَ گوازێنت و تیرکمانئے جنَگا سکّ بلد بوت.

پێدایش 26:24

هما شپا هُداوند آییئے دێما زاهر بوت و گوَشتی: ”من تئیی پت اِبراهێمئے هُدا آن. متُرس، چێا که من گۆن تئو گۆن آن. من وتی هِزمتکار اِبراهێمئے سئوَبا ترا برکتَ دئیان و تئیی نَسل و پَدرێچا گێشا گێشَ کنان.“

پێدایش 26:3

انّون همے مُلکا دَرامَدێئے پئیما بنند. من گۆن تئو گۆن آن و ترا برکتَ دئیان. اے سجّهێن زمینان ترا و تئیی نَسل و پَدرێچارا دئیان و گۆن تئیی پت اِبراهێما وارتگێن سئوگندا برجمَ داران.

پێدایش 30:25

وهدے راهیلا ایسُّپ آورت، آکوبا گۆن لابانا گوَشت: ”نون منا رَزا بدئے که وتی جندئے ڈێها واتَرَّ کنان.

پێدایش 31:13

من بئیت‌اێلئے هُدا آن، هما جاگهئے هُدا آن که تئو اۆدا چێدَگێارا رۆگن پِر مُشت و گۆن من کئولے کرت. نون پاد آ، چه اے سرڈگارا در آ و وتی پێدائِشی مُلکا واتَرّ کن.‘

پێدایش 31:3

گڑا هُداوندا گۆن آکوبا گوَشت: ”وتی پت و پیرُک و سیادانی مُلکا واتَرّ کن. من گۆن تئو گۆن آن.“

پێدایش 31:5

گۆن آیان گوَشتی: ”منَ گِندان که شمئے پت منا پێسری پئیما نچاریت، بله منی پتئے هُدا گۆن من گۆن بوتگ.

پێدایش 32:9

نون آکوبا دْوا کرت: ”او منی پت اِبراهێمئے هُدا! منی پت اِساکئے هُدا! او هما هُداوند که گۆن من گوَشتِت: ’مُلکا وتی سیادانی کِرّا واترّ کن که من ترا سبز و آبادَ کنان!‘

پێدایش 35:3

بیاێت بئیت‌اێلا رئوێن. اۆدا من په هما هُدایا کُربانجاهے اَڈَّ کنان که سکّی و سۆریانی رۆچان منی دْوایی گۆش داشتگ و هر جاه که شتگان، گۆن من گۆن بوتگ.“

پێدایش 39:2

هُداوند گۆن ایسُّپا گۆن اَت، پمێشکا ایسُّپ هر کارا کامیاب اَت و وتی مِسری واجهئے لۆگا جَهمنند اَت.

پێدایش 39:21

بله هُداوند گۆن آییا گۆن اَت و وتی مِهری په ایسُّپا گوارێنت و بندیجاهئے مسترئے دلی په ایسُّپا نرم کرت.

پێدایش 46:4

من وت گۆن تئو مِسرا کایان و اَلّم ترا پدا کاران. و ایسُّپئے جند ترا دست و چَمَّ کنت.“

پێدایش 48:16

هما پرێشتگ که منا چه هر تاوانا رَکّێنتگی، اے چُکّان برکت بدئیات. اے منی نامئے سرا و منی پت و پیرُکئے نامئے سرا بزان اِبراهێم و اِساکئے ناما زانَگ باتنت و زمینئے سرا سکّ باز باتنت.“

پێدایش 48:21

اِسراییلا گۆن ایسُّپا گوَشت: ”من همے زوتّانَ مِران، بله هُدا گۆن شما گۆنَ بیت و شمارا شمئے پت و پیرُکانی مُلکا پرَ تَرّێنیت.

زَبور 46:11

لشکرانی هُداوند گۆن ما گۆن اِنت، آکوبئے هُدا مئے کلات اِنت. اۆشت...

زَبور 46:7

لشکرانی هُداوند گۆن ما گۆن اِنت، آکوبئے هُدا مئے کلات اِنت. اۆشت...

زَبور 91:11

تئیی بارئوا پرێشتگان هُکمَ کنت که تئیی سجّهێن راهان، تئیی نِگهپانیا بکننت.

دَرگوَز 13:11

وهدے هُداوند شمارا کَنهانیانی مُلکا بارت و هما پئیما که گۆن شما و شمئے بُنپیرُکان سئوگندی وارتگ، آ مُلکا شمارا دنت،

دَرگوَز 3:12

هُدایا گوَشت: ”من گۆن تئو گۆنَ بان. تئو که کئوما زورئے و چه مِسرا درَ کائے، شما همے کۆها هُدائے پرستشا کنێت. و اے یکّ نِشانیے بیت که تئیی راه دئیۆک من آن.“

مَتّا 18:20

چێا که هر جاه دو یا سئے کَس منی نامئے سرا هۆر ببیت، من گۆن آیان گۆنَ بان.“

مَتّا 24:35

زمین و آسمان گارَ بنت، بله منی هبر هچبر گار و زیانَ نبنت.

مَتّا 28:20

آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“

په تیموتاووسا پولُسئے ائولی کاگد 4:8

چێا که جسمی تَمرین بێپائدگ نه‌اِنت، بله هُداتُرسیئے پائدگ هر هسابا باز اِنت که په انّوگێن زندا هم هُدائے کئول و کراری گۆن اَنت و په آیۆکێن زندا هم.

یَهودائے کاگد 1:1

چه آکوبئے برات، ایسّا مَسیهئے هِزمتکار، یَهودائے نێمگا، په هما گْوانک جتگێنان که هُداێن پتا دۆست اَنت و په ایسّا مَسیهئیگی گۆن شَرّێن پهرێزے دارگ بوتگ‌اَنت.