پێدایش 26:34 - هُدائے پاکێن کتاب، بلۆچی زبانا

³⁴ وهدے ایسّوئے اُمر چِلّ سال بوت، گۆن هیتّی کَبیلهئے بِهیری نامێن مَردێئے جنکّ یودیت و هیتّی اێلۆنئے جنکّ بَسێمَتا سوری کرت.

پێدایش 26:34 Кръстосани препратки

پێدایش 24:3

من ترا هُداوندئے سئوگِندا دئیان، آسمان و زمینئے هُدائے سئوگِندا دئیان، که چه اے کَنهانیان، که من اِشانی نیاما زِند گوازێنگا آن، چه اِشانی جنکّان منی چُکّا جَنَ ندئیئے.

پێدایش 27:46

نون رِبِکّایا گۆن اِساکا گوَشت: ”من اے هیتّی جنێنانی سئوَبا چه زندگیا بێزار آن. اگن آکوبا چه اے مُلکئے جنکّان، چه اے وڑێن هیتّی جنکّان یکّے سانگ کرت، گڑا من بمراتان.“

پێدایش 28:8

نون ایسّو سرپد بوت که کَنهانی جنێن منی پت اِساکا چینچُک نادۆست اَنت.

پێدایش 28:9

پمێشکا اِسماێلئے کِرّا شت و وتی پێسری جَنانی سَرا، اِبراهێمئے اِسماێلێن چُکّئے جنکّی گِپت. جنکّئے نام مَهالَت اَت و نِبایوتئے گهار اَت.

پێدایش 36:13

رئوێلئے مردێن‌چُکّ نَهات و زارَه و شَمّا و مِزّا اَتنت. ایسّوئے جَن بَسێمَتئے اۆبادَگ همِش اَتنت.

پێدایش 36:2

ایسّوا دو کَنهانی جَن گِپت، یکّێئے نام آدَه اَت و یکّێئے نام اُهولیبامَه. آدَه ایلون هیتّیئے جنکّ اَت و اُهولیبامَه اَنائے جنکّ و سِبون هێویئے نُماسگ اَت.

پێدایش 36:5

یَهوش و یَهلام و کۆرا چه اُهولیبامَها پێدا بوتنت. اِش اَتنت ایسّوئے مردێن‌چُکّ که کَنهانئے سرڈگارا پێدا بوتنت.

دَرگوَز 34:16

وهدے شما په وتی مَردێن‌چُکّان آیانی جنێن‌چُکّان گچێنَ کنێت، آ جنێن‌چُکّ وتی بُتێن هُدایان سُجدهَ کننت و شمئے مردێن‌چُکّان هم وتی هُدایانی سُجدها پرماینت.