پێدایش 26:31 - هُدائے پاکێن کتاب، بلۆچی زبانا

³¹ دومی سُهبا ماهلّه پاد آتکنت و اِساک و اَبیمَلِکا گۆن یکدگرا سئوگند وارت. اِساکا مردم رهادگ کرتنت و آ، چه اِساکئے کِرّا په سلامتی و اێمنی شتنت.

پێدایش 26:31 Кръстосани препратки

پێدایش 14:22

اِبراما گۆن سُدومئے بادشاها گوَشت: ”من هُداوندئے دێما، بُرزێن اَرشئے هُدا، آسمان و زمینئے جۆڑ کنۆکئے دێما دست چِست کرتگ و سئوگند وارتگ

پێدایش 19:2

گوَشتی: ”او منی واجهان! وتی کَسترئے لۆگا بیاێت و وتی پادان بشۆدێت. شپا همِدا بجلّێت و بامگواها سر بگرێت.“ آیان گوَشت: ”اِنّه، ما وتی شپا شهرئے چارراها گوازێنێن.“

پێدایش 21:14

دومی سُهبا ماهلّه اِبراهێما تۆشگ و مَشکے آپ زُرت و هاجِرارا دات. مَشک و تۆشگی هاجِرئے کۆپگا داتنت و گۆن چُکّا دری کرت. هاجِر شت و بێرشێبَهئے گیابانا سَرگَردان بوت.

پێدایش 21:23

نون اِدا گۆن من هُدائے سئوگندا بوَر که منا یا منی چُکّان یا منی اۆبادگان ردَ ندئیئے. هما پئیما که من گۆن تئو مهربان بوتگان، تئو گۆن من و گۆن منی مُلکا همے پئیما مهربان بئے، گۆن همے مُلکا که تئو دَرامدێئے هسابا نِشتگئے.“

پێدایش 21:27

گڑا اِبراهێما پَس و گۆک زُرت و اَبیمَلِکارا داتنت و دوێن مَردان اَهد و پئیمانے بست.

پێدایش 22:3

دومی سُهبا ماهلّه، اِبراهێم پاد آتک و وتی هَری پالام کرت. وتی دو هِزمتکار و اِساکی زرتنت، په سۆچَگی کُربانیگا داری پرۆشت و دێم په هما جاگها راه گپت که هُدایا گوَشتگ‌اَت.

پێدایش 25:33

آکوبا گوَشت: ”پێسرا گۆن من سئوگِند بوَر.“ گڑا آییا سئوگِند وارت و وتی پێدائِشی هَکّی آکوبئے کِرّا بها کرت.

پێدایش 26:32

هما رۆچا اِساکئے هِزمتکار آتکنت و وتی جَتگێن چاتئے بارئوا هالِش دات. گوَشتِش: ”ما آپ در گێتکگ.“

پێدایش 31:44

بیا، من و تئو گۆن یکدگرا اَهد و پئیمانے بندێن. بِلّی اے اَهد منی و تئیی نیاما گواه و شاهدَ بیت.“

پێدایش 31:55

دومی سباها، ماهلّه لابانا وتی جنکّ و نُماسگ چُکِّت و برکت داتنت. پدا در آتک و وتی لۆگا پِر تَرِّت.