پێدایش 25:23 - هُدائے پاکێن کتاب، بلۆچی زبانا

²³ هُداوندا گوَشت: ”دو راج تئیی لاپا اِنت. دو کئوم چه تئیی لاپئے تها سِدیت. یکّ راجے چه دومیا زۆرمندترَ بیت و مسترێن، کَسترێنئے هِزمتا کنت.“

پێدایش 25:23 Кръстосани препратки

پێدایش 17:16

من برکتیَ دئیان و ترا چه آییا مردێن‌چُکّے بیت. من سارَها برکتَ دئیان و آ کئومانی ماتَ بیت، کئومانی بادشاه چه آییا پێدا بنت.“

پێدایش 17:4

”بچار، اے گۆن تئو منِ هُدائے اَهد و پئیمان اِنت که تئو بازێن کئومێئے پتَ بئے.

پێدایش 24:60

آیان رِبِکّا برکت دات و گوَشتِش: ”مئے گهار! تئو هزارانی هزار باتئے. تئیی نَسل و پَدرێچ وتی بَدواهانی شهرانی مستر باتنت.“

پێدایش 25:24

چُکماتیئے ماه و رۆچ که پوره بوتنت، رِبِکّایا جاڑ آورت.

پێدایش 25:27

چُکّ رُست و مزن بوتنت. ایسّو زبردستێن شکاریے بوت و دَشت و گیابانان گردۆکێن مردے اَت. آکوب آرام‌تَبێن مردے اَت و گێشتر گِدانا نِشتگ‌اَت.

پێدایش 27:29

کئوم تئیی هِزمتا بکناتنت و راج تئیی دێما کۆنڈان کپاتنت. وتی براتانی واجه باتئے و تئیی ماتئے چُکّ تئیی دێما کۆنڈان کپاتنت. هرکَس ترا نالتَ کنت، وت نالتی بات و هرکَس که ترا برکتَ دنت، آییا برکت برسات.“

پێدایش 27:33

نون اِساکا بَلاهێن لَرزَگے جانا کپت و گوَشتی: ”گڑا آ کئے اَت که شکارے جت و په من آورتی و من تئیی آیگا دمانے پێسر وارت و آییارا برکت دات؟ و اَلّم آییا برکتَ رسیت.“

پێدایش 27:37

اِساکا گوَشت: ”من آییارا تئیی واجه کرتگ و آییئے سجّهێن سیاد آییئے هِزمتکار کرتگ‌اَنت. من آییارا گۆن دان و تازگێن شرابا رِزک و رۆزیگ بَکشاتگ. نون په تئو چے کرتَ کنان، منی چُکّ؟“

پێدایش 27:40

تئو په زهم وتی رۆزیگا درَ گێجئے و وتی براتئے هِزمتا کنئے، بله وهدے بێزارَ بئے، وتی براتئے جُگا چه وتی گردنا کَشّئے و چَگلَ دئیئے.“

پێدایش 32:6

کاسِدان که وتی سَپر جَت و پدا آکوبئے کرّا سر بوتنت، گوَشتِش: ”ما تئیی برات ایسّوئے کِرّا شتێن و نون آ وت گۆن چار سَد مَردا تئیی گِندُکا پێداک اِنت.“

پێدایش 33:3

آکوبئے جند چه سجّهێنان دێما شت و هپت رندا په اَدب سَری جَهل کرت تانکه وتی براتئے نزّیکّا سر بوت.

پێدایش 36:31

اے هما بادشاه اَتنت که اِدومئے مُلکا بادشاهی‌اِش کرت. چه اِد و پێسر اِسراییلیانی سرا بادشاهێا هاکمی نکرتگ‌اَت.

پێدایش 48:19

بله پتا نمَنِّت، گوَشتی: ”منَ زانان، منی چُکّ! زانان. چه مسترێنا هم کئومے اَڈَّ بیت و آ هم مزنێن مردمے بیت، بله کَسترێن برات چه آییا مسترێن مردمے بیت و کَسترێنئے چُکّ و نماسگ باز کئومَ بنت.“