پێدایش 24:22 - هُدائے پاکێن کتاب، بلۆچی زبانا

²² اُشتران که آپئے ورگ بَسّ کرت، مردا سُهرئے پُلۆهے در کرت که کِساس شَش گِرام اَت و په آییئے دَستان سُهرئے دو هتّلی که هر یکّێئے وزن کِساس سَد و بیست گِرام اَت.

پێدایش 24:22 Кръстосани препратки

پێدایش 24:10

هِزمتکارا چه وتی واجهئے اُشتران ده اُشتر زُرت و رهادگ بوت. چه واجهئے نێمگا تَهر تَهرێن گچێنی ٹێکی آییا گۆن اَت. پاد آتک و دێم په اَرام‌نَهرئیما رئوان بوت. ناهۆرئے شهر همۆدا اَت.

پێدایش 24:23

جُستی کرت: ”تئو کئیی جنکّ ائے؟ منا بگوَش، تئیی پتئے لۆگا جاگه هست که ما وتی شپا اۆدا بگوازێنێن؟“

پێدایش 24:30

لابانا که وتی گهارئے پۆنزئے پُلۆه و دستئے هَتّلی دیستنت و اَنچۆ که گهارئے گَپّی اِشکت که آ مردا گۆن آییا چے گوَشتگ‌اَت، در آتک و مردئے نێمگا شت. دیستی که مرد چَمّگئے سرا اُشترانی کِرّا اۆشتاتگ.

پێدایش 24:47

من چه آییا جُست کرت: ’تئو کئیی جنکّ ائے؟‘ آییا گوَشت: ’بِتوێلئے جنکّ آن. بِتوێلئے پت ناهۆر اِنت و مات مِلکَه.‘ گڑا من پُلۆه پۆنزا دات و هَتّلی دستا داتنت و

پێدایش 24:53

گڑا هِزمتکارا نُگره و تِلاهئے سَهت و زێور و لهتێن گُد آورت و رِبِکّایارا دات. رِبِکّائے برات و ماتی هم گران‌کیمّتێن ٹێکی داتنت.

پِتْرُسئے ائولی کاگد 3:3

شمئے سینگار و پَلگار زاهری مبیت که سرا چۆن بگوَپێن، چۆنێن سَهت و زێور پِر بکنێن و چۆنێن گُد بپۆشێن.

پِتْرُسئے ائولی کاگد 3:8

نێٹ، شما سجّهێن یکدل و همدرد ببێت، گۆن یکدومیا مِهر بکنێت، نَرمدل و بێکِبر ببێت.