پێدایش 24:15 - هُدائے پاکێن کتاب، بلۆچی زبانا

¹⁵ آییا اَنگت دْوا هلاس نکرتگ‌اَت که رِبِکّایا وتی کونزگ کۆپَگا اَت و آتک. رِبِکّا بِتوێلئے جنکّ اَت. بِتوێل مِلکَهئے مَردێن‌چُکّ اَت و مِلکَه، اِبراهێمئے برات ناهۆرئے جَن اَت.

پێدایش 24:15 Кръстосани препратки

پێدایش 11:27

تێرائے نَسل و پَدرێچئے کِسّه چُش اِنت: چه تێرایا اِبرام و ناهۆر و هاران پێدا بوتنت. چه هارانا لوت پێدا بوت.

پێدایش 11:29

اِبرام و ناهۆر، دوێنان سور و سانگ کرت. اِبرامئے لۆگیئے نام سارایی اَت و ناهۆرئے لۆگیئے نام مِلکَه. مِلکَه، هارانئے جنکّ اَت و هاران، مِلکَه و یَسکاهئے پت.

پێدایش 21:14

دومی سُهبا ماهلّه اِبراهێما تۆشگ و مَشکے آپ زُرت و هاجِرارا دات. مَشک و تۆشگی هاجِرئے کۆپگا داتنت و گۆن چُکّا دری کرت. هاجِر شت و بێرشێبَهئے گیابانا سَرگَردان بوت.

پێدایش 24:14

هما جنکّ که اگن من گوَشت: ’وتی کونزگا جَهل کن، من آپَ وَران‘ و آییا گوَشت: ’بیا بوَر، من تئیی اُشتران هم آپَ دئیان‘ منَ زانان که همے جنکّ تئو په وتی هِزمتکارێن اِساکا گچێن کرتگ. من چه همے گپّا زانان که تئو په منی واجها مهربان بوتگئے.“

پێدایش 24:24

رِبِکّایا گوَشت: ”من بِتوێلئے جنکّ آن. بِتوێل، مِلکَه و ناهۆرئے چُکّ اِنت.“

پێدایش 24:45

من اَنگت دلئے تها دْوا نهَلّێنتگ‌اَت و رِبِکّایا وتی کونزگ کۆپَگا اَت و آتک. رِبِکّا دێم په چَمّگا جَهلاد راه گِپت، شت و آپی کَشِّت. من گۆن آییا گوَشت: ’منا آپ بدئے.‘

پێدایش 25:20

اِساکئے اُمر چِلّ سال اَت وهدے گۆن رِبِکّایا سوری کرت. رِبِکّا، بِتوێل اَرَماییئے جنکّ و لابان اَرَماییئے گهار اَت. بِتوێل پَدّان‌اَرامئے مردمے اَت.

پێدایش 29:5

آکوبا جُست کرتنت: ”شما ناهۆرئے چُکّ لابانا پَجّاهَ کارێت؟“ آیان گوَشت: ”هئو، زانێنی.“

پێدایش 29:9

آکوب اَنگت گۆن آیان هبرا اَت که راهیل گۆن وتی پتئے پَسان آتک و رَست. راهیل وتی پتئے پسانی شپانک اَت.

زَبور 34:15

هُداوندئے چمّ گۆن پهرێزکاران اِنت و گۆشی هم په آیانی پریاتان پَچ.

زَبور 65:2

او تئو که دْوایانَ اشکنئے! سجّهێن مردم دێم په تئو کاینت.

دَرگوَز 2:16

میدیانئے دینی پێشوایا هپت جنێن‌چُکّ هست‌اَت. اے جنکّ آتک و آپئے کَشّگ و تَگارئے پُرّ کنگا لگّتنت که پتئے رمگا آپ بدئینت.