پێدایش 24:10 - هُدائے پاکێن کتاب، بلۆچی زبانا

¹⁰ هِزمتکارا چه وتی واجهئے اُشتران ده اُشتر زُرت و رهادگ بوت. چه واجهئے نێمگا تَهر تَهرێن گچێنی ٹێکی آییا گۆن اَت. پاد آتک و دێم په اَرام‌نَهرئیما رئوان بوت. ناهۆرئے شهر همۆدا اَت.

پێدایش 24:10 Кръстосани препратки

پێدایش 11:26

تێرائے اُمر 70 سال بوت و رندا چه آییا اِبرام و ناهۆر و هاران پێدا بوتنت.

پێدایش 11:29

اِبرام و ناهۆر، دوێنان سور و سانگ کرت. اِبرامئے لۆگیئے نام سارایی اَت و ناهۆرئے لۆگیئے نام مِلکَه. مِلکَه، هارانئے جنکّ اَت و هاران، مِلکَه و یَسکاهئے پت.

پێدایش 11:31

تێرایا وتی چُکّ اِبرام و نُماسگ لوت، که هارانئے چُکّ اَت و وتی نِشار، بزان اِبرامئے جَن سارایی زُرتنت و چه کَلدانیانی شهر اورا در آتک. اے سجّهێن دێم په کَنهانئے سرڈگارا راه گپتنت، بله وهدے هارانئے شهرا رستنت، همۆدا نِشتنت.

پێدایش 11:32

تێرایا دو سَد و پنچ سال اُمر کرت و هارانا مُرت.

پێدایش 22:20

چیزّے وهدا رَند اِبراهێمِش سهیگ کرت که مِلکَها هم چُکّ آورتگ، په تئیی برات ناهۆرا چُکّی پێدا کرتگ.

پێدایش 24:2

اِبراهێمئے لۆگا کوَهنێن هِزمتکارے هست‌اَت که آییئے سجّهێن کار و بارانی سرۆک اَت. اِبراهێما گۆن آییا گوَشت: ”وتی دستا منی زانئے چێرا اێر کن.

پێدایش 24:22

اُشتران که آپئے ورگ بَسّ کرت، مردا سُهرئے پُلۆهے در کرت که کِساس شَش گِرام اَت و په آییئے دَستان سُهرئے دو هتّلی که هر یکّێئے وزن کِساس سَد و بیست گِرام اَت.

پێدایش 24:53

گڑا هِزمتکارا نُگره و تِلاهئے سَهت و زێور و لهتێن گُد آورت و رِبِکّایارا دات. رِبِکّائے برات و ماتی هم گران‌کیمّتێن ٹێکی داتنت.

پێدایش 27:43

منی چُکّ! نون منی هبرا بگر. زوتّ چه اِدا بتَچ و هارانا، منی برات لابانئے کِرّا برئو.

پێدایش 29:1

آکوب راه گِپت، شت و شت تانکه رۆدراتکی مردمانی مُلکا سر بوت.

پێدایش 29:2

اۆدا دیستی تَه دشتا چاتے و سئے رمگ چاتئے نزّیکّا وپتگ، چێا که مردمان اے رمگ چه همے چاتا آپَ داتنت. بلاهێن سِنگے چاتئے دپا اَت.

کاسِدانی کار 2:9

ما، چه پارس، ماد و ایلام، چه بئین‌النهرئین، یَهودیَه، کاپادوکیَه، پُنتوس و آسیایا،