پێدایش 22:9 - هُدائے پاکێن کتاب، بلۆچی زبانا

⁹ وهدے هما جاگها سر بوتنت که هُدایا گوَشتگ‌اَت، اِبراهێما کُربانجاهے اَڈّ کرت، داری سر په سر کرتنت و وتی چُکّ اِساکی بَست و کُربانجاها، دارانی سرا اێر کرت.

پێدایش 22:9 Кръстосани препратки

پێدایش 12:7

بله هُداوند، اِبرامئے دێما زاهر بوت و گوَشتی: ”چه منی نێمگا اے سرڈگار تئیی نَسل و پَدرێچئیگ اِنت.“ گڑا اِبراما اۆدا په هُداوندا، که آییئے دێما زاهر بوتگ‌اَت، کُربانجاهے اَڈّ کرت.

پێدایش 12:8

چه اۆدا آ، دێم په کۆهستگا، بئیت‌اێلئے رۆدراتکی نێمگا شت و وتی گِدانی اَنچێن جاگهے مِکّ کرت که بئیت‌اێلئے شهر آییئے رۆنِندی نێمگا و اَیائے شهر، رۆدراتکی نێمگا اَت. اۆدا په هُداوندا کُربانجاهے اَڈّی کرت و هُداوندئے نامی تئوار کرت.

پێدایش 13:18

گڑا اِبراما وتی گِدان چِست کرتنت و هِبرونا شت و مَمرِهئے مزنێن درچکانی نزّیکّا جَهمنند بوت. اۆدا په هُداوندا کُربانجاهے اَڈّی کرت.

پێدایش 22:10

اِبراهێما دست شهارت و کارچی زُرت که وتی چُکّا هِلارَ کنان،

پێدایش 22:8

اِبراهێما پَسّئو دات: ”منی چُکّ! سۆچَگی کُربانیگئے گوَرانڈئے کارا هُدا وت چار و گُزارَ کنت“ و آ دوێن رئوان بوتنت.

پێدایش 8:20

نون نوها په هُداوندا کُربانجاهے اَڈّ کرت و چه هِلارێن هئیوان و هِلارێن بالی مُرگان لهتێنی زُرت و کُربانجاها سۆچَگی کُربانیگی کرتنت.

زَبور 118:27

هُداوند، هُدا اِنت، وتی نوری مئے سرا دْرپشێنتگ. ائییدئے کُربانیگا گۆن کُربانجاهئے کانٹان په ساد ببندێت.

مَتّا 27:2

ایسّااِش بست، گِرّان کرت و رومی والی پیلاتوسئے دستا دات.

مَرکاس 15:1

سَباها ماهلّه مزنێن دینی پێشوا، کئومئے کماش، شَریَتئے زانۆگر و سرۆکانی دیوانئے سجّهێن باسک همشئور بوتنت و ایسّااِش بست، گِرّان کرت و پیلاتوسئے دستا دات.

کاسِدانی کار 8:32

آ مرد، اِشئیا نبیئے پاکێن کتابئے هما بهرا وانگا اَت که اے ڈئولا گوَشیت: ”پَسێئے ڈئولا که آییا په کۆشا برنت، آاِش په کُشگا برت، اَنچُش که گوَرانڈ، پَژم چِنۆکئے دێما بێتئوارَ بیت، همے ڈئولا چه آییئے دپا هم تئوارے در نئیاتک.

په گَلاتیان پولُسئے کاگد 3:13

هما نالت که مئے سرا اَت، مَسیها وتی سرا زرت و اے ڈئولا مارا چه شَریَتئے نالتا مۆکتی، چێا که نبشته اِنت: ”هرکَس که دارئے سرا دْرَنجگ بوت، نالتیے.“

آکوب 2:21

مئے بُنپیرُک اِبراهێم، چه وتی کار و کِردا پاک و پهرێزکار هساب آرگ نبوت هما وهدا که وتی چُکّ اِساکی کُربانجاها برت؟

پِتْرُسئے ائولی کاگد 2:24

آییا وت مئے گناهانی بار سَلیبئے سرا وتی بڈّا لَڈّت، تانکه گناه چه مئے دلا بمریت و په نێکی و پاکی زِند بگوازێنێن، که شما چه هماییئے ٹَپّ و ٹۆران دْراه بوتگێت.