پێدایش 22:12 - هُدائے پاکێن کتاب، بلۆچی زبانا

¹² پرێشتگا گوَشت: ”وتی دستا بدار و چُکّا هچّ مکن. نون منَ زانان که تئو هُداتُرسے ائے، چێا که تئو چَکّ و پَد نبوتئے و وتی بَچّ، وتی یکّێن چُکّ هم منا دات.“

پێدایش 22:12 Кръстосани препратки

پێدایش 20:11

اِبراهێما پَسّئو دات: ”من وتی دلا گوَشت اِدا هچّ هُداتُرسی نێست و منی لۆگیئے سئوَبا مردم منا کُشنت.

پێدایش 22:13

اِبراهێما چمّ چست کرتنت و پُشتا چارِت، دیستی ته گوَرانڈے که کانٹی ڈَنگَران مان گیشّتگ‌اَنت. اِبراهێم شت، گوَرانڈی زُرت و وتی چُکّئے جاگها سۆچَگی کُربانیگ کرت.

پێدایش 22:16

گوَشتی: ”هُداوندَ گوَشیت: ’منا وتی سرئے سئوگند اِنت، تئو که وتی بَچّئے، وتی یکّێن چُکّئے دئیگا چَکّ و پَد نبوتئے،

پێدایش 22:2

هُدایا گوَشت: ”وتی بَچّ، وتی یکّێن چُکّ، اِساک که ترا دۆست اِنت، بزوری و موریائے دَمگا برئو. هما کۆها که من ترا پێشَ داران، همۆدا بَر و سۆچَگی کُربانیگئے هسابا نَدری کن.“

پێدایش 26:5

چێا که اِبراهێما منی پرمانبرداری کرت. آییا منی هبر زرت، منی رَهبند و پَرمان و منی هُکم و کانونی برجاه داشتنت.“

پێدایش 42:18

سئیمی رۆچا گۆن آیان گوَشتی: ”هما پئیما که من شمارا گوَشان، هما پئیم بکنێت، گڑا زندگَ مانێت، پرچا که منا چه هُدایا تُرسیت.

زَبور 1:6

که هُداوند پهرێزکارانی راهئے نگهپان اِنت، بله بدکارانی راه تباهی و بێگواهی اِنت.

زَبور 111:10

هُداوندئے تُرس داناییئے بِندات اِنت. هما که آییئے رهبندانی رَندگیریا کننت، آیان شرّێن زانتکاریَ رسیت. تان اَبد ستا هماییئیگ اِنت.

زَبور 147:11

هُداوند همایانی سرا وشَّ بیت که چه آییا تُرسنت و سجّهێن اۆست و اُمێتِش گۆن آییئے مِهرا اِنت.

زَبور 2:11

په تُرس، هُداوندئے هِزمتا بکنێت و په درَهَگ پادانی کپێت.

زَبور 25:12

کئے اِنت هما که په دل هُداتُرس ببیت؟ هُداوند آییا هما راستێن راها سۆجَ دنت که باید اِنت گچێنی بکننت.

زَبور 25:14

هُداوند وتی دلئے راز و رمزان گۆن هداتُرسان درشانَ کنت، وتی اَهد و پئیمانا په آیان پَجّارێنیت.

دَرگوَز 20:20

موسّایا گۆن مهلوکا گوَشت: ”متُرسێت، هُدا پمێشکا آتکگ که شمارا بچکّاسیت و آییئے تُرس شمئے دلان بنندیت و شما گناه مکنێت.“

مَتّا 16:24

رَندا ایسّایا مرید لۆٹتنت و گوَشتی: ”اگن کَسے لۆٹیت منی رَندگیریا بکنت، باید اِنت وتی دِلئے سجّهێن لۆٹ و واهگان یله بدنت و په ساهئے نَدر کنگا، وتی جندئے سَلیبا بَڈّا بکنت و منی راها گام بجنت.

مَتّا 19:29

هرکَسا په منی نامئیگی لۆگ، برات و گهار، پت و مات، چُکّ یا مال و ڈگار یله داتگ‌اَنت، آییا سد سری گێشترَ رَسیت و اَبدمانێن زِندئے واهندَ بیت.

مَتّا 5:16

همے ڈئولا شمئے رُژن، مردمانی دێما شَهم بدنت تان شمئے نێکێن کاران بگندنت و شمئے آسمانی پتا ستا بدئینت و بساڑاینت.

یوهَنّا 3:16

چێا که هُدایا جهانئے مردم همینچُک دۆست داشتنت که وتی یکّ و یکدانگێن چُکّی نَدر کرت تانکه هرکَس که هُدائے چُکّئے سرا ایمانَ کاریت، گار و زیان مبیت و تان اَبد زندگ بمانیت.

کاسِدانی کار 9:31

گڑا یَهودیَه و جَلیل و سامِرَهئے سجّهێن دَمگان، کِلیسا اێمن و آسودگ بوت و رُست و رُدۆم کنان اَت. باوَرمندان، په هُداتُرسی زِندَ گوازێنت و گۆن پاکێن روهئے دِلبڈّیا رۆچ په رۆچ گێشترَ بوتنت.

پولُسئے کاگد په رومیان 5:8

بله هُدا مئے سرا وتی مِهرا چُش پَدّرَ کنت: هما وهدا مَسیه په مئیگی مُرت که ما اَنگت گنهکار اتێن.

پولُسئے کاگد په رومیان 8:32

آ که وتی چُکّئے پرواهی نکرت و په مئیگی چه آییا سر گوَست، گۆن آییا هئوار، آ دگه سجّهێن چیزّان هم مارا ندنت؟

آکوب 2:18

نون بوتَ کنت کَسے بگوَشیت: ”تئیی کِرّا باور هست و منی کِرّا کار و کِرد. تئو وتی باوَرا بے کار و کِردا منا پێش بدار و من چه وتی کار و کِردا، ترا وتی باوَرا پێشَ داران.“

اِلهام 19:5

گڑا چه تَهتا تئوارے آتک، گوَشتی: ”مئے هُدائے تئوسیپا بکنێت، او آییئے سجّهێن هِزمتکاران، او سجّهێن هُداتُرسان، کَسان و مزن!“