پێدایش 21:13 - هُدائے پاکێن کتاب، بلۆچی زبانا

¹³ من مۆلدێن زالئے چُکّا هم کئومے کنان چێا که آ هم تئیی نَسل و پَدرێچ اِنت.“

پێدایش 21:13 Кръстосани препратки

پێدایش 16:10

پرێشتگا چُش هم گوَشت: ”هُداوندَ گوَشیت که من تئیی نَسل و پَدرێچا اَنچۆ بازَ کنان که چه هسابا ڈَنَّ بنت.“

پێدایش 17:20

اِسماێلئے بارئوا هم من تئیی هبر گۆش داشت: من آییا اَلّم برکتَ دئیان، آییا پُرسَمرَ کنان و آییئے نَسل و پَدرێچا سکّ بازَ کنان. آ دوازده شَهزادگئے پتَ بیت و چه آییا مزنێن کئومے پێدا کنان.

پێدایش 21:14

دومی سُهبا ماهلّه اِبراهێما تۆشگ و مَشکے آپ زُرت و هاجِرارا دات. مَشک و تۆشگی هاجِرئے کۆپگا داتنت و گۆن چُکّا دری کرت. هاجِر شت و بێرشێبَهئے گیابانا سَرگَردان بوت.

پێدایش 21:18

پاد آ، چُکّا چست کن، دستایی گِر که من آییا مزنێن کئومے کنان.“