پێدایش 18:10 - هُدائے پاکێن کتاب، بلۆچی زبانا

¹⁰ گڑا چه آیان یکّێا گوَشت: ”آیۆکێن سالا همے وهدا اَلّما تئیی کِرّا پرَ ترّان و تئیی لۆگی سارَها مردێن‌چُکّے گوَرانَ بیت.“ سارَه آییئے پُشتی نێمگا، گِدانئے دپا، گۆش دارگا اَت.

پێدایش 18:10 Кръстосани препратки

پێدایش 16:10

پرێشتگا چُش هم گوَشت: ”هُداوندَ گوَشیت که من تئیی نَسل و پَدرێچا اَنچۆ بازَ کنان که چه هسابا ڈَنَّ بنت.“

پێدایش 17:16

من برکتیَ دئیان و ترا چه آییا مردێن‌چُکّے بیت. من سارَها برکتَ دئیان و آ کئومانی ماتَ بیت، کئومانی بادشاه چه آییا پێدا بنت.“

پێدایش 17:19

هُدایا گوَشت: ”اِنّه، تئیی جَن سارَه چُکّے کاریت و تئو باید اِنت چُکّئے ناما اِساک بکنئے. من وتی اَهد و پئیمانا گۆن اِساکا برجاهَ داران و چه آییا رند، اے په آییئے نَسل و پَدرێچا اَبدمانێن اَهد و پئیمانے بیت.

پێدایش 17:21

بله وتی اَهد و پئیمانا گۆن اِساکا برجاهَ داران که دێمی سالا همے وهدا چه سارَها پێدا بیت.“

پێدایش 18:9

آیان جُست گپت: ”تئیی لۆگی سارَه کجا اِنت؟“ اِبراهێما پَسّئو دات: ”اۆدا گدانئے تها اِنت.“

پێدایش 21:1

هما پئیما که هُداوندا وت گوَشتگ‌اَت، سارَهئے سرا مهربان بوت و په سارَها هما کاری کرت که وادهی کرتگ‌اَت.

پێدایش 21:2

سارَهئے لاپ پُرّ بوت و اِبراهێمئے پیرانسریا په آییا مَردێن‌چُکّے آورتی. چُکّ هما گیشّتگێن وهدا پێدا بوت که هُدایا چه پێسرا اِبراهێم هال داتگ‌اَت.

لوکا 1:13

بله پرێشتگا گۆن آییا گوَشت: ”او زَکَریا! متُرس. تئیی دْوا مَنّگ بوت، تئیی جَن اِلیزابِت مردێن‌چُکّێئے سرا چِلّگَ بیت و باید اِنت تئو آییئے ناما یَهیا بکنئے.

په گَلاتیان پولُسئے کاگد 4:23

هما چُکّ که آییا چه مۆلِدێن جنا بوت، چه انسانی واهگا پێدا بوت، بله اے دگه چُکّ که چه آزاتێن جنا پێدا بوت، هُدائے کئولئے برکتا پێدا بوت.

په گَلاتیان پولُسئے کاگد 4:28

او براتان! شما، اِساکئے ڈئولا کئولئے چُکّ اێت.