پێدایش 17:8 - هُدائے پاکێن کتاب، بلۆچی زبانا

⁸ من کَنهانئے سجّهێن سرڈگارا، که انّون تئو اِدا دَرامَدے ائے، تئیی و چه تئو رند تئیی نَسل و پَدرێچئے اَبَدی مِلکتَ کنان و آیانی هُدا بان.“

پێدایش 17:8 Кръстосани препратки

پێدایش 12:7

بله هُداوند، اِبرامئے دێما زاهر بوت و گوَشتی: ”چه منی نێمگا اے سرڈگار تئیی نَسل و پَدرێچئیگ اِنت.“ گڑا اِبراما اۆدا په هُداوندا، که آییئے دێما زاهر بوتگ‌اَت، کُربانجاهے اَڈّ کرت.

پێدایش 13:15

اے سجّهێن مُلکا که تئو گِندگا ائے، چه منی نێمگا اے تان اَبد تئیی و تئیی نَسل و پَدرێچئیگ اِنت.

پێدایش 13:17

پاد آ، اے مُلکئے دْراجی و پْراهیا تَرّ و گرد بکن، که اِشیا من ترا دئیان.“

پێدایش 23:4

”من شمئے نیاما درکئوم و دَرامدے آن. منا په کبرستانێا، زمینی ٹُکّرے بها بدئیێت که وتی مُردگا کبر کرت بکنان.“

پێدایش 26:24

هما شپا هُداوند آییئے دێما زاهر بوت و گوَشتی: ”من تئیی پت اِبراهێمئے هُدا آن. متُرس، چێا که من گۆن تئو گۆن آن. من وتی هِزمتکار اِبراهێمئے سئوَبا ترا برکتَ دئیان و تئیی نَسل و پَدرێچا گێشا گێشَ کنان.“

پێدایش 28:4

هُدا ترا و تئیی نَسل و پَدرێچا هما برکتا بدئیات که اِبراهێمارا داتگی، که هما سرڈگارئے واهند ببئے که انّون اۆدا دَرامدێئے پئیما زند گوازێنگا ائے، هما سرڈگار که هُدایا اِبراهێمارا بَکشاتگ.“

پێدایش 35:27

آکوب وتی پت اِساکئے کرّا مَمرِها، کِریَه‌اَربهئے شهرا بزان هِبرونا آتک، همۆدا که اِبراهێم و اِساکا دَرامدانی پئیما زِند گوازێنتگ‌اَت.

پێدایش 36:7

آیانی مال و هستی سکّ باز اَتنت، پمێشکا هۆر نِشتِش نکرت، چێا که زمین و کَهچر په آیانی رمگ و گۆرُمان بَسَّ نبوت.

پێدایش 37:1

آکوب هما سرڈگارا جَهمنند بوت که آییئے پتا اۆدا دَرامدێئے پئیما زِند گوازێنتگ‌اَت، بزان کَنهانئے مُلکا.

پێدایش 48:4

گۆن من گوَشتی: ’من ترا پُرسَمرَ کنان و تئیی نَسل و پَدرێچا سکّ بازَ کنان. من ترا کئومانی رُمبے جۆڑَ کنان و اے سرڈگارا چه تئو و رند تئیی نَسل و پَدرێچارا دئیان که تان اَبد همایانی مِلکت ببیت.‘

زَبور 103:17

بله هُداوندئے مِهر، اَزل تان اَبد هما مردمانی همراه اِنت که آییئے تُرسِش دلا اِنت و آییئے اَدل، اِشانی چُکّ و نماسگانی همراه،

زَبور 105:11

”کَنْهانئے سرڈگارا ترا بَکشان، که شمئے بَهر و میراسَ بیت.“

زَبور 105:9

هما اَهد که گۆن اِبراهێما کرتی و هما سئوگند که گۆن اِساکا وارتی،

دَرگوَز 13:11

وهدے هُداوند شمارا کَنهانیانی مُلکا بارت و هما پئیما که گۆن شما و شمئے بُنپیرُکان سئوگندی وارتگ، آ مُلکا شمارا دنت،

دَرگوَز 21:6

گڑا واجه آییا هُدائے بارگاها ببارت. گُلاما دروازگ یا دروازگئے چانٹئے دپا ببارت، دْرَپشے بزوریت و آییئے گۆشا بِسُمبیت و آ گُلام تان زندگ اِنت، واجهئے هِزمتا بکنت.

دَرگوَز 29:45

من اِسراییلیانی نیاما جهمنندَ بان و آیانی هُدا بان.

دَرگوَز 32:13

وتی هِزمتکار اِبراهێم و اِساک و اِسراییلا یات کن که تئو گۆن آیان وتی جندئے سئوگند وارت و گوَشت که من شمئے نَسل و پَدرێچا آسمانئے اِستارانی پئیما بازَ کنان و اَنچۆ که من گۆن شما وادَه کرتگ، اے سجّهێن سرڈگارا شمئے نَسل و پَدرێچارا دئیان و تان اَبد همایانی میراسَ بیت.“

دَرگوَز 40:15

اَنچۆ که تئو آیانی پت رۆگن پِر مُشتگ، آیانی جندا هم رۆگن پِر مُش که دینی پێشوا ببنت و منی هِزمتا بکننت. گۆن رۆگن پِر مُشگا آیان دینی پێشواییَ رسیت و اے پێشوایی اَبدمانَ بیت، نَسلانی نَسل.“

دَرگوَز 6:4

من گۆن آیان اَهد و پئیمان هم کرت که کَنهانئے مُلکا شمارا دئیان، بزان هما مُلکا که اۆدا آ، دَرامدئے پئیما نِشتگ‌اَتنت.

دَرگوَز 6:7

من شمارا زوران و وتی کئومَ کنان و شمئے هُدا بان. گڑا شما زانێت که من شمئے هُداوندێن هُدا آن، هما که شمارا چه مِسریانی بیگاریا دری کرتگ.

کاسِدانی کار 7:5

اِدا، هُدایا آییارا هچّ میراس و مِلکت ندات، یکّ بِچیلّے زمینی هم ندات، بله لَبزی کرت که آییئے نَسل و پَدرێچ اے سرڈگارئے هُدابُندَ بیت. هُدایا اے هبر هما وهدا کرت که اِبراهێما اَنگت چُکّ نێست‌اَت.

اِلهام 21:7

هما که سۆبێنَ بیت، اے سجّهێن چیزّی میراسا رسنت، من آییئے هُدا بان و آ منی چُکَّ بیت.