پێدایش 17:23 - هُدائے پاکێن کتاب، بلۆچی زبانا

²³ هما رۆچا اِبراهێما وتی چُکّ اِسماێل، وتی لۆگا پێدا بوتگێن سجّهێن مَردێن و زَرهریدێن گُلام، لۆگئے سجّهێن مَردێن زُرت و سُنّت کناێنتنت، هما پئیما که هُدایا گوَشتگ‌اَت.

پێدایش 17:23 Кръстосани препратки

پێدایش 14:14

وهدے اِبراما اِشکت که منی برازاتک گِرگ و بَرگ بوتگ، وتی هما سئے سد و هژدهێن در آورتگێن جَنگۆل، که آییئے لۆگا پێدا بوتگ‌اَتنت، زُرتنتی و تان دانئے شهرا دُژمنانی رندا کپت.

پێدایش 17:9

گڑا هُدایا گۆن اِبراهێما گوَشت: ”بله تئوِ اِبراهێم باید اِنت منی اَهد و پئیمانا برجاه بدارئے، تئیی جند و تئیی نَسل و پَدرێچ، پُشت در پُشت.

پێدایش 18:19

چێا که من، اِبراهێم در چِتگ که وتی چُکّ و لۆگئے مردمان هُکم بدَنت که چه آییا رَند، په پهرێزکاری و اِنساپ منِ هُداوندئے راها رئوان ببنت تانکه په اِبراهێما هما کارا بکنان که گۆن آییا کئولُن کرتگ.“

پێدایش 34:24

شهرئے دروازگا آتکگێن سجّهێن مردێنان هَمۆر و آییئے چُکّ شِکێمئے هبر زُرت و شهرئے هر مردێن سُنّت کنگ بوت.

زَبور 119:60

تئیی هُکمانی منّگا اِشتاپَ کنان، دێرَ نکنان.

کاسِدانی کار 16:3

پولُسئے واهگ اَت که تیموتاووسا وتی سات و سپرا همراه بکنت، پمێشکا چه رئوگا پێسر، په یَهودیانی هاترا سُنّتی کناێنت، چێا که آ هَند و دَمگانی سجّهێن مردمان زانتگ‌اَت که تیموتاووسئے پت یونانیے.

په گَلاتیان پولُسئے کاگد 5:6

چێا که ایسّا مَسیهئے راها سُنّت بئیگ و نبئیگئے مانا یَکّ اِنت، تهنا هما ایمانا مانا هست که چه مِهرئے راها وتا زاهِرَ کنت.

په گَلاتیان پولُسئے کاگد 6:15

چێا که سُنّت بئیَگ و نبئیگئے مانا یَکّ اِنت. تهنا اے چیزّا مانا هست که تئو نۆکێن مردمے بِبئے.