پێدایش 17:14 - هُدائے پاکێن کتاب، بلۆچی زبانا

¹⁴ هر سُنّت نکرتگێن مردێن که جِسمی سُنّت کنگ نبوتگ، چه وتی کئوما سِندگَ بیت، چێا که منی اَهد و پئیمانی پرۆشتگ.“

پێدایش 17:14 Кръстосани препратки

پێدایش 17:15

هُدایا گۆن اِبراهێما گوَشت: ”بله وتی لۆگی ساراییا چه اِد و رند سارایی تئوار مکن، آییئے نام سارَهَ بیت.

پێدایش 34:14

آکوبئے چُکّان گۆن آیان گوَشت: ”ما اے کارا کرتَ نکنێن. گۆن سُنّت نبوتگێن مردێا وتی گهارئے سور دئیگ په ما رُسواییے.

زَبور 55:20

منی بْراهُندگا وتی دست دۆستانی هلاپا شهارت و وتی کئولی پرۆشت.

دَرگوَز 12:15

هپت رۆچا بێهُمیرێن نگن بوَرێت. هرچے هُمیر که شمئے لۆگان هست، ائولی رۆچا دئورِش بدئیێت. چێا که هرکَسا که ائولی رۆچا بگر تان هپتمی رۆچا هُمیری چیزّے وارت، آ مردم چه اِسراییلئے کئوما سِندَگَ بیت.

دَرگوَز 12:19

تان هپت رۆچا شمئے لۆگان هُمیر مبیت. چێا که هرکَسا که هُمیری چیزّے وارت، آ مردم چه اِسراییلئے مهلوکا سِندَگَ بیت، هرکَس ببیت، دَرامَدے یا مُلکی مردمے.

دَرگوَز 30:33

هرکَسا اِشیئے پئیمێن وشبۆے اَڈّ کرت یا اَنچێن مردمێا پِری مُشت که دینی پێشواے نه‌اِنت، چه وتی مهلوکا سِندگَ بیت.‘“

دَرگوَز 30:38

هرکَسا په وتی دِلوَشّیا اے پئیمێن سۆچُکیے اَڈّ کرت، چه وتی مهلوکا سِندگَ بیت.“