پێدایش 17:10 - هُدائے پاکێن کتاب، بلۆچی زبانا

¹⁰ منی اَهد و پئیمان گۆن تئیی جندا و چه تئو رند گۆن تئیی پُشپَدا اِش اِنت و باید اِنت شما برجاهی بدارێت: شمئے هر مردێن باید اِنت بُرُّک و سُنّت کنگ ببیت.

پێدایش 17:10 Кръстосани препратки

پێدایش 17:11

شما وتا سُنّت بکناێنێت. اے هما اَهد و پئیمانئے نشانیَ بیت که منی و شمئے نیاما اِنت.

پێدایش 17:23

هما رۆچا اِبراهێما وتی چُکّ اِسماێل، وتی لۆگا پێدا بوتگێن سجّهێن مَردێن و زَرهریدێن گُلام، لۆگئے سجّهێن مَردێن زُرت و سُنّت کناێنتنت، هما پئیما که هُدایا گوَشتگ‌اَت.

پێدایش 17:27

اِبراهێمئے لۆگئے سجّهێن مردێن، هما که آییئے لۆگا پێدا بوتگ‌اَتنت و هما زَرهریدێن گُلام که آییا چه ڈَنّی مردمان په بها زرتگ‌اَتنت، گۆن آییا هۆریگا سُنّت کنگ بوتنت.

پێدایش 21:4

اِساکئے اُمر که هشت رۆچ بوت، اِبراهێما سُنّت کناێنت، هما پئیما که هُدایا هُکم داتگ‌اَت.

پێدایش 34:15

مئے شَرت بَسّ یکّے. شمئے سجّهێن مردێن مئے پئیما سُنّت کنگ ببنت.

پێدایش 34:22

بله په مئے کِرّا جَهمنند بئیگ و گۆن ما یکّێن کئوم بئیگا، اِشانی یکّێن شَرت اِش اِنت که مئے هر مردێن اِشانی پئیما سُنّت کنگ ببیت.

دَرگوَز 12:48

اگن شمئے نیاما ڈَنّی مردمے نِشتگ و سَرگوَزئے رۆچا هُداوندئے ناما ائیید کنگَ لۆٹیت، آییئے لۆگئے سجّهێن مردێن پێسرا سُنّت کنگ ببنت. گڑا آ مردم بَهر زرتَ کنت و مُلکی مردمانی پئیما بیت. بله هچّ سُنّت نکرتگێن مردێن اِشیا مئوارت.

دَرگوَز 4:25

بله موسّائے جن سَپورَها تێزێن سِنگے زرت و وتی چُکّئے لُپُّک بُرِّت و همے پۆستی موسّائے پادان جت. گوَشتی: ”تئو په من ’هۆنئے سالۆنکے‘ ائے.“

یوهَنّا 7:22

موسّایا سُنّت کنگئے رسم شمارا دات، پمێشکا شما شَبَّتئے رۆچا وتی مردێن‌چُکّان سُنّتَ کنێت. البت، اے رسم چه موسّایا بُنگێج نبوتگ، چه کئومئے پت و پیرُکان بُنگێج بوتگ.

کاسِدانی کار 7:8

هُدایا گۆن اِبراهێما اَهد و کَرارے بست که آییئے نشانی مردێن‌چُکّانی سُنّت کنگ اِنت. پمێشکا، وهدے اِبراهێما اِساکێن چُکّ بوت، هشتمی رۆچا سُنّتی کرت. همے ڈئولا اِساکا وتی چُکّ آکوب و آکوبا وتی دوازدهێن چُکّ، که مئے کئومئے کَبیلهانی بُنپیرُک اَنت، سُنّت کرتنت.

پولُسئے کاگد په رومیان 2:28

چێا که یَهودی آ نه‌اِنت که سرزاهرا یَهودی اِنت و اَنچُش هم راستێن سُنّت بئیگ، سرزاهری چیزّے نه‌اِنت.

پولُسئے کاگد په رومیان 3:25

هُدایا آ پێش کرت تان چه باورئے راها گۆن وتی هۆنا هما کُربانیگ ببیت که گناهانَ بَکشیت. اے کاری په وتی اَدلئے پێش دارگا کرت، پرچا که گۆن وتی هُدایی اۆپارا چه پێسریگێن گناهان سر گوَستگ‌اَت.

پولُسئے کاگد په رومیان 3:28

چێا که مئے باور اِش اِنت که اِنسان چه باورمندیا پاک و پَلگار زانگَ بیت، چه شَریَتئے کارانی کنگا نه.

پولُسئے کاگد په رومیان 3:30

پرچا که هُدا وه یکّے و سُنّت کرتگێن و سُنّت نکرتگێنان، چه یکّێن ایمان و باورئے راها پاک و پَلگارَ کنت.

په گَلاتیان پولُسئے کاگد 3:28

هُدائے کرّا پرک و پێر نێست که شما یَهودی اێت یا درکئوم، گُلام اێت یا آزات، مردێن اێت یا جنێن، چێا که شما سجّهێن ایسّا مَسیهئے برکتا یکّ اێت.

په گَلاتیان پولُسئے کاگد 6:12

هما که مردمان گۆن جسمی کاران وشّ کنگئے جُهدا اَنت، شمارا په سُنّت و بُرُّکا مجبور کنگا اَنت. اے مردم تهنا پمێشکا چُش کنگا اَنت که وتا چه هما آزاران برَکّێننت که مَسیهئے سَلیبئے سئوَبا رسنت.

په پیلیپیان پولُسئے کاگد 3:3

چێا که سُنّت بوتگێن ما اێن. اے ما اێن که هُدایا چه آییئے پاکێن روهئے برکتا پرستشَ کنێن. په ما پَهر و شانے که گۆن ایسّا مَسیها هئوار اێن و مارا چه وتی جِسما، بزان چه دنیایی چیزّان اُمێتے نێست،