پێدایش 14:14 - هُدائے پاکێن کتاب، بلۆچی زبانا

¹⁴ وهدے اِبراما اِشکت که منی برازاتک گِرگ و بَرگ بوتگ، وتی هما سئے سد و هژدهێن در آورتگێن جَنگۆل، که آییئے لۆگا پێدا بوتگ‌اَتنت، زُرتنتی و تان دانئے شهرا دُژمنانی رندا کپت.

پێدایش 14:14 Кръстосани препратки

پێدایش 12:16

پِرئون، ساراییئے هاترا گۆن اِبراما مهربان بوت و اِبرام پَس و گۆک و لاگ و مادیان و گُلام و مۆلد و اُشترانی واهند بوت.

پێدایش 12:5

اِبراما وتی لۆگی سارایی و برازاتک لوت همراه کرتنت و دێم په کَنهانا راه گپت. هما سجّهێن مال که آیان مُچّ کرتگ‌اَتنت و هما مردم که هارانا آیانی دستا کپتگ‌اَتنت، آییا گۆن وت بُرتنت گۆن. کَنهانئے سرڈگارا آتک و رستنت.

پێدایش 13:8

گڑا اِبراما گۆن لوتا گوَشت: ”ما برات اێن. منی و تئیی نیاما، یا منی و تئیی شپانکانی نیاما اَڑ و کُڑے مبیت.

پێدایش 14:12

اِبرامئے برازاتک لوت، سُدوما جَهمنند اَت. آاِش هم گپت و گۆن سجّهێن مال و مَڈّیا گۆن وَت بُرت.

پێدایش 14:16

اِبراما سجّهێن مال و مَڈّی پَچ گپتنت و وتی برازاتک لوت و آییئے مال و هستی، جنێن‌آدم و اے دگه مردم پدا آورتنت.

پێدایش 15:3

پدا گوَشتی: ”تئو منا چُکّ و پُشپَدے نداتگ و باندا رۆچ منی لۆگئے هِزمتکارے منی وارسَ بیت.“

پێدایش 17:12

آیۆکێن نَسل و پَدرێچانی تها، شمئے نیاما هَمُک هَشت رۆچیگێن مردێن‌چُکّ باید اِنت سُنّت کنگ ببیت، تهنا شمئے جندئے لۆگئے چُکّ نه، هما زَرهریدێن گُلام‌چُکّ هم که شمئے نَسل و پَدرێچ نه‌اَنت و شما چه ڈنّی مردمان په بها زُرتگ‌اَنت، آ هم سُنّت کنگ ببنت.

پێدایش 17:23

هما رۆچا اِبراهێما وتی چُکّ اِسماێل، وتی لۆگا پێدا بوتگێن سجّهێن مَردێن و زَرهریدێن گُلام، لۆگئے سجّهێن مَردێن زُرت و سُنّت کناێنتنت، هما پئیما که هُدایا گوَشتگ‌اَت.

پێدایش 17:27

اِبراهێمئے لۆگئے سجّهێن مردێن، هما که آییئے لۆگا پێدا بوتگ‌اَتنت و هما زَرهریدێن گُلام که آییا چه ڈَنّی مردمان په بها زرتگ‌اَتنت، گۆن آییا هۆریگا سُنّت کنگ بوتنت.

پێدایش 18:19

چێا که من، اِبراهێم در چِتگ که وتی چُکّ و لۆگئے مردمان هُکم بدَنت که چه آییا رَند، په پهرێزکاری و اِنساپ منِ هُداوندئے راها رئوان ببنت تانکه په اِبراهێما هما کارا بکنان که گۆن آییا کئولُن کرتگ.“

پێدایش 23:6

”او منی واجه! مئے هبران گۆش دار. تئو مئے نیاما پُرواکێن شَهزادگے ائے. وتی مُردگا مئے کبرستانا، گچێنی جاگهێا کبر کن. چه ما کَسّ، ترا چه تئیی مُردگئے کبر کنگا نداریت.“

زَبور 68:12

بادشاه گۆن وتی لشکرانَ جِهنت و تچنت، جنێن وتی لۆگا آواران بهرَ کننت.

یوهَنّائے ائولی کاگد 2:18

او چُکّان! نون گُڈّی دمان و ساهت اِنت. هما دابا که شما اِشکتگ، ”مَسیهئے دژمن“ پێداک اِنت، همے انّون هم مَسیهئے بازێن دژمنے آتکگ و چه همِشیا زانێن که ساهت، گُڈّی ساهت اِنت.