پێدایش 13:8 - هُدائے پاکێن کتاب، بلۆچی زبانا

⁸ گڑا اِبراما گۆن لوتا گوَشت: ”ما برات اێن. منی و تئیی نیاما، یا منی و تئیی شپانکانی نیاما اَڑ و کُڑے مبیت.

پێدایش 13:8 Кръстосани препратки

پێدایش 13:9

سجّهێن مُلک تئیی دێما اِنت. چه من جِتا بئے. اگن تئو چپّێن نێمگا رئوئے، من راستێنا رئوان و اگن تئو راستێن نێمگا رئوئے، من چپّێنا رئوان.“

پێدایش 14:14

وهدے اِبراما اِشکت که منی برازاتک گِرگ و بَرگ بوتگ، وتی هما سئے سد و هژدهێن در آورتگێن جَنگۆل، که آییئے لۆگا پێدا بوتگ‌اَتنت، زُرتنتی و تان دانئے شهرا دُژمنانی رندا کپت.

پێدایش 45:24

پدا وتی براتی رهادگ کرتنت. برات که در کپگا اَتنت، گۆن آیان گوَشتی: ”راها اَڑ و کُڑ مکنێت.“

پێدایش 46:34

شما بگوَشێت که ’تئیی کَستر چه کَسانیا شپانک و مالدار بوتگ‌اَنت، وتی پت و پیرُکانی پئیما.‘ گڑا شمارا اے اجازتَ رسیت که گۆشِنئے دَمگا جَهمنند ببێت که مِسریانی نِزّا سجّهێن شِپانک بَژّناکێن مردم اَنت.“

زَبور 133:1

چۆن وشّ و دلکَشّ اِنت که هُدائے مردم په تپاکی هۆر بنندنت.

دَرگوَز 2:13

دومی رۆچا پدا ڈَنّا شت و دیستی که دو اِبرانی مِڑَگا اِنت. گۆن مئیاریگێن مردما گوَشتی: ”چێا وتی هَمکئوما جنَگا ائے؟“

مَتّا 5:9

بَهتاور اَنت هما که سُهل و اێمنیَ کارنت، چێا که آ هُدائے چُکّ نامێنگَ بنت.

کاسِدانی کار 7:26

اے دگه رۆچا اَناگت، آییا دو اِسراییلی وت‌مان‌وتا مِڑ و جنْگا دیست. موسّا په آیانی گیشّێنگ و تِپاک کنگا دێما کِنزت و گوَشتی: ’او مردان! شما وت‌برات اێت، چێا یکدگرا تاوانبارَ کنێت؟!‘

پولُسئے کاگد په رومیان 12:10

گۆن براتی مِهرے، یکدگرا دۆست بدارێت، په شرپ و اِزّت کنگا چه یکدومیا دێماتر ببێت.

په پیلیپیان پولُسئے کاگد 2:14

هرچے که کنێت، بے نُرُنڈگ و بے دَپجاکا بکنێتی

په تِسالونیکیان پولُسئے ائولی کاگد 4:9

مارا په شما براتی مِهرئے بارئوا نبشته کنگئے زلورت نه‌اِنت، چێا که شما وت چه هُدائے تالیمان در بُرتگ که چۆن یکدومیا دۆست بدارێت.

پِتْرُسئے ائولی کاگد 1:22

نون که شما گۆن راستیئے رَندگیریا وتا پاک و پَلگار کرتگ و گۆن یکدگرا په‌دِلێن مِهرئے واهند بوتگێت، گڑا په دل و سِتک گۆن یکدومیا مِهر بکنێت.

پِتْرُسئے ائولی کاگد 2:17

هرکَسا اِزّت بدئیێت و په باوَرمندان هاسێن مِهرے دلا بدارێت، وتی زِندا په هُداتُرسی بگوازێنێت و بادشاها شرپ بدئیێت.

پِتْرُسئے ائولی کاگد 3:8

نێٹ، شما سجّهێن یکدل و همدرد ببێت، گۆن یکدومیا مِهر بکنێت، نَرمدل و بێکِبر ببێت.

پِتْرُسئے ائولی کاگد 4:8

چه سجّهێنان مسترێن گپّ اِش اِنت که یکدومیا په دل و سِتک دۆست بدارێت که مِهر، بازێن گناهێئے بَکشگئے سئوَبسازَ بیت.

پِتْرُسئے دومی کاگد 1:7

گۆن آ دگه باوَرمندانی دۆست دارگا وتی هُدادۆستیا مُهر بکنێت و گۆن سجّهێن مردمانی دۆست دارگا په باوَرمندان وتی مِهرا مُهکم بکنێت.

یوهَنّائے ائولی کاگد 4:7

او دُردانگان! گۆن یکدومیا مِهر بکنێن، چێا که مِهر چه هُدایا اِنت و هرکَس که مِهرَ کنت، چه هُدایا پێدا بوتگ و هُدایا زانت.