پێدایش 13:18 - هُدائے پاکێن کتاب، بلۆچی زبانا

¹⁸ گڑا اِبراما وتی گِدان چِست کرتنت و هِبرونا شت و مَمرِهئے مزنێن درچکانی نزّیکّا جَهمنند بوت. اۆدا په هُداوندا کُربانجاهے اَڈّی کرت.

پێدایش 13:18 Кръстосани препратки

پێدایش 13:4

هما جاگها که پێسرا کُربانجاهے اَڈّی کرتگ‌اَت. اۆدا اِبراما هُداوندئے نام تئوار کرت.

پێدایش 14:13

یکّ مردمے تتک و اِبرانیێن اِبرامئے کِرّا آتک و اے هالی دات. اے وهدا اِبرام، اَموریێن مَمرِهئے مزنێن درچکانی نزّیکّا نِشتگ‌اَت. اَموریێن مَمرِه، اِشکول و آنِرئے برات اَت. اِشانی و اِبرامئے نیاما اَهد و پئیمانے هست‌اَت.

پێدایش 18:1

هُداوند مَمرِهئے مزنێن درچکانی نزّیکّا اِبراهێمئے دێما زاهر بوت. نێمرۆچئے ٹاک اَت و اِبراهێم وتی گِدانئے دَپا نِشتگ‌اَت.

پێدایش 22:9

وهدے هما جاگها سر بوتنت که هُدایا گوَشتگ‌اَت، اِبراهێما کُربانجاهے اَڈّ کرت، داری سر په سر کرتنت و وتی چُکّ اِساکی بَست و کُربانجاها، دارانی سرا اێر کرت.

پێدایش 23:2

سارَه، کَنهانئے سرڈگارا، کِریَه‌اَربها بێران بوت. کِریَه‌اَربهئے دومی نام هِبرون اِنت. اِبراهێم شت که پُرسا بنندیت و په سارَها بگرێت.

پێدایش 26:25

اِساکا اۆدا کُربانجاهے اَڈّ کرت و هُداوندئے نامی تئوار کرت. وتی گِدانی همۆدا مِکّ کرت و آییئے هِزمتکاران همۆدا چاتے جَت.

پێدایش 35:27

آکوب وتی پت اِساکئے کرّا مَمرِها، کِریَه‌اَربهئے شهرا بزان هِبرونا آتک، همۆدا که اِبراهێم و اِساکا دَرامدانی پئیما زِند گوازێنتگ‌اَت.

پێدایش 37:14

اِسراییلا گوَشت: ”برئو و بچار تئیی برات و رمگ دْراه و سلامت اَنت؟ آیانی هالا گِر و بیا.“ گڑا ایسُّپی چه هِبرونئے دَرَگا راه دات. لۆگِش همۆدا اَت. وهدے ایسُّپ شِکێما سر بوت،

پێدایش 8:20

نون نوها په هُداوندا کُربانجاهے اَڈّ کرت و چه هِلارێن هئیوان و هِلارێن بالی مُرگان لهتێنی زُرت و کُربانجاها سۆچَگی کُربانیگی کرتنت.

زَبور 16:8

من مُدام هُداوند وتی دێم په دێما دیستگ، آ منی راستێن پهناتا اِنت، چه همے سئوَبا منَ نلرزان.

په تیموتاووسا پولُسئے ائولی کاگد 2:8

منَ لۆٹان که مردێن زهر گرگ و جاک و جێڑهان یله بدئینت و هر جاگه پاک و پلگارێن دستان بُرز بکننت و دْوا بلۆٹنت.