پێدایش 12:8 - هُدائے پاکێن کتاب، بلۆچی زبانا

⁸ چه اۆدا آ، دێم په کۆهستگا، بئیت‌اێلئے رۆدراتکی نێمگا شت و وتی گِدانی اَنچێن جاگهے مِکّ کرت که بئیت‌اێلئے شهر آییئے رۆنِندی نێمگا و اَیائے شهر، رۆدراتکی نێمگا اَت. اۆدا په هُداوندا کُربانجاهے اَڈّی کرت و هُداوندئے نامی تئوار کرت.

پێدایش 12:8 Кръстосани препратки

پێدایش 13:18

گڑا اِبراما وتی گِدان چِست کرتنت و هِبرونا شت و مَمرِهئے مزنێن درچکانی نزّیکّا جَهمنند بوت. اۆدا په هُداوندا کُربانجاهے اَڈّی کرت.

پێدایش 13:3

آ، چه نِگێبا لَڈّان و رئوان تان بئیت‌اێلا رَسِت، تان بئیت‌اێل و ائیائے شهرانی نیاما، هما جاگها که پێسرا وتی گِدانی مِکّ کرتگ‌اَت،

پێدایش 13:4

هما جاگها که پێسرا کُربانجاهے اَڈّی کرتگ‌اَت. اۆدا اِبراما هُداوندئے نام تئوار کرت.

پێدایش 21:33

اِبراهێما بێرشێبَها گزّئے درچکے کِشت و اۆدا هُداوند، اَبدمانێن هُدائے نامی تئوار کرت.

پێدایش 22:9

وهدے هما جاگها سر بوتنت که هُدایا گوَشتگ‌اَت، اِبراهێما کُربانجاهے اَڈّ کرت، داری سر په سر کرتنت و وتی چُکّ اِساکی بَست و کُربانجاها، دارانی سرا اێر کرت.

پێدایش 26:25

اِساکا اۆدا کُربانجاهے اَڈّ کرت و هُداوندئے نامی تئوار کرت. وتی گِدانی همۆدا مِکّ کرت و آییئے هِزمتکاران همۆدا چاتے جَت.

پێدایش 28:19

آ جاگهئے نامی بئیت‌اێل کرت. چۆناها آ شهرئے نام پێسرا لوز اَت.

پێدایش 31:25

اے وهدا که لابان گۆن آکوبا دُچار کپت، آکوبا وتی گِدان گِلیادئے کۆهستگێن دَمگا مِکّ کرتگ‌اَت و لابان و سیادان هم همۆدا وتی گِدان مِکّ کرتنت.

پێدایش 33:20

اۆدا کُربانجاهے اَڈّی کرت و آییئے نامی اێل‌اێلوهی‌اِسراییل کرت.

پێدایش 35:3

بیاێت بئیت‌اێلا رئوێن. اۆدا من په هما هُدایا کُربانجاهے اَڈَّ کنان که سکّی و سۆریانی رۆچان منی دْوایی گۆش داشتگ و هر جاه که شتگان، گۆن من گۆن بوتگ.“

پێدایش 35:7

آکوبا همۆدا کُربانجاهے اَڈّ کرت و آ جاگهئے نامی اێل‌بئیت‌اێل کرت، چێا که وهدے آ چه وتی براتا تچگا اَت، هُدایا همِدا آییئے دێما وتا زاهر کرت.

پێدایش 4:26

سئیتا هم مردێن‌چُکّے بوت و آییئے نامی اێنۆش کرت. همے وهدا مردمان هُداوندئے نامئے تئوار کنگ بِندات کرت.

پێدایش 8:20

نون نوها په هُداوندا کُربانجاهے اَڈّ کرت و چه هِلارێن هئیوان و هِلارێن بالی مُرگان لهتێنی زُرت و کُربانجاها سۆچَگی کُربانیگی کرتنت.

زَبور 116:4

هُداوندئے نامُن گپت و گوَشتُن: ”او هُداوند! منی زندا بِرَکّێن.“

دَرگوَز 17:15

موسّایا کُربانجاهے اَڈّ کرت و آییئے نامی کرت ”هُداوند منی بئیرَک اِنت“.

کاسِدانی کار 2:21

آ رۆچا، هرکَس هُداوندئے ناما بگیپت، رَکّیت.“‘