پێدایش 12:5 - هُدائے پاکێن کتاب، بلۆچی زبانا

⁵ اِبراما وتی لۆگی سارایی و برازاتک لوت همراه کرتنت و دێم په کَنهانا راه گپت. هما سجّهێن مال که آیان مُچّ کرتگ‌اَتنت و هما مردم که هارانا آیانی دستا کپتگ‌اَتنت، آییا گۆن وت بُرتنت گۆن. کَنهانئے سرڈگارا آتک و رستنت.

پێدایش 12:5 Кръстосани препратки

پێدایش 10:19

کَنهانئے هَدّ و سیمسر، چه سئیدونا که دێم په گِرارا رئوئے تان گَزَّها اَت و اگن دێم په سُدوم، گُمورَه، اَدمَه و سِبویما رئوئے، تان لَشاها اَت.

پێدایش 11:27

تێرائے نَسل و پَدرێچئے کِسّه چُش اِنت: چه تێرایا اِبرام و ناهۆر و هاران پێدا بوتنت. چه هارانا لوت پێدا بوت.

پێدایش 11:31

تێرایا وتی چُکّ اِبرام و نُماسگ لوت، که هارانئے چُکّ اَت و وتی نِشار، بزان اِبرامئے جَن سارایی زُرتنت و چه کَلدانیانی شهر اورا در آتک. اے سجّهێن دێم په کَنهانئے سرڈگارا راه گپتنت، بله وهدے هارانئے شهرا رستنت، همۆدا نِشتنت.

پێدایش 13:5

لوت هم که اِبرامئے همسپر اَت، آییا پَس و دَلوَت و گِدان هست‌اَت.

پێدایش 13:6

بله جاگه په لوت و اِبرامئے یکجاه نِندَگا کَمّ اَت، چێا که مال و دَلوَتِش باز اَت. پمێشکا هۆر نِشتِشَ نکرت.

پێدایش 14:14

وهدے اِبراما اِشکت که منی برازاتک گِرگ و بَرگ بوتگ، وتی هما سئے سد و هژدهێن در آورتگێن جَنگۆل، که آییئے لۆگا پێدا بوتگ‌اَتنت، زُرتنتی و تان دانئے شهرا دُژمنانی رندا کپت.

پێدایش 14:21

سُدومئے بادشاها گۆن اِبراما گوَشت: ”منی مردمان منا بدئے و مال و مَڈّیان بزور، تئییگ اَنت.“

پێدایش 28:10

آکوب چه بێرشێبَها در آتک و دێم په هارانا شت.

پێدایش 36:6

ایسّوا وتی جَن و بَچّ و جنکّ و لۆگئے سجّهێن مردم، وتی مال و دَلوَت و جانوَر و هرچے که آییا کَنهانا چِتگ و نَزّ آورتگ‌اَت، گۆن وت زُرتنت و چه وتی برات آکوبا دور دگه مُلکێا شت.

کاسِدانی کار 7:4

آییا کَلْدانیانی مُلک یله دات و هارانا شت. چه پتئے مَرکا و رَند، هُدایا آ چه اۆدا همے مُلکا آورت که انّون شما نِشتگێت.