پێدایش 11:31 - هُدائے پاکێن کتاب، بلۆچی زبانا

³¹ تێرایا وتی چُکّ اِبرام و نُماسگ لوت، که هارانئے چُکّ اَت و وتی نِشار، بزان اِبرامئے جَن سارایی زُرتنت و چه کَلدانیانی شهر اورا در آتک. اے سجّهێن دێم په کَنهانئے سرڈگارا راه گپتنت، بله وهدے هارانئے شهرا رستنت، همۆدا نِشتنت.

پێدایش 11:31 Кръстосани препратки

پێدایش 10:19

کَنهانئے هَدّ و سیمسر، چه سئیدونا که دێم په گِرارا رئوئے تان گَزَّها اَت و اگن دێم په سُدوم، گُمورَه، اَدمَه و سِبویما رئوئے، تان لَشاها اَت.

پێدایش 11:32

تێرایا دو سَد و پنچ سال اُمر کرت و هارانا مُرت.

پێدایش 12:4

گڑا هما پئیما که هُداوندا گۆن اِبراما گوَشتگ‌اَت، اِبرام شت و لوت هم آییئے همراه بوت. اِبرام که چه هارانا در آتک، اُمری هپتاد و پنچ سال اَت.

پێدایش 12:5

اِبراما وتی لۆگی سارایی و برازاتک لوت همراه کرتنت و دێم په کَنهانا راه گپت. هما سجّهێن مال که آیان مُچّ کرتگ‌اَتنت و هما مردم که هارانا آیانی دستا کپتگ‌اَتنت، آییا گۆن وت بُرتنت گۆن. کَنهانئے سرڈگارا آتک و رستنت.

پێدایش 14:12

اِبرامئے برازاتک لوت، سُدوما جَهمنند اَت. آاِش هم گپت و گۆن سجّهێن مال و مَڈّیا گۆن وَت بُرت.

پێدایش 15:7

نون هُداوندا گۆن آییا گوَشت: ”من هما هُداوند آن که ترا چه کَلدانیانی شهر اورا دَرُن کرت و آورت که اے سرڈگارا ترا بدئیان و تئو اِشیئے واهند ببئے.“

پێدایش 24:10

هِزمتکارا چه وتی واجهئے اُشتران ده اُشتر زُرت و رهادگ بوت. چه واجهئے نێمگا تَهر تَهرێن گچێنی ٹێکی آییا گۆن اَت. پاد آتک و دێم په اَرام‌نَهرئیما رئوان بوت. ناهۆرئے شهر همۆدا اَت.

پێدایش 24:15

آییا اَنگت دْوا هلاس نکرتگ‌اَت که رِبِکّایا وتی کونزگ کۆپَگا اَت و آتک. رِبِکّا بِتوێلئے جنکّ اَت. بِتوێل مِلکَهئے مَردێن‌چُکّ اَت و مِلکَه، اِبراهێمئے برات ناهۆرئے جَن اَت.

پێدایش 27:43

منی چُکّ! نون منی هبرا بگر. زوتّ چه اِدا بتَچ و هارانا، منی برات لابانئے کِرّا برئو.

پێدایش 28:10

آکوب چه بێرشێبَها در آتک و دێم په هارانا شت.