پێدایش 1:21 - هُدائے پاکێن کتاب، بلۆچی زبانا

²¹ گڑا هُدایا مزنێن دریایی سَهدار و وڑ وڑێن دگه سَهدار اَڈّ کرت که اے، وتی تَهرئے هسابا رَم جۆڑ بوتنت و دریااِش پُرّ کرت. همے پئیما وڑ وڑێن بالی مُرگی اَڈّ کرت، آیانی جندئے تَهرئے هسابا. هُدایا دیست که اے کار شَرّ بوت.

پێدایش 1:21 Кръстосани препратки

پێدایش 1:18

رۆچ و شپئے سرا هاکمی بکننت و رُژنا چه تهاریا جتا بکننت. هُدایا دیست که اے کار شَرّ بوت.

پێدایش 1:20

هُدایا گوَشت: ”آپ چه سَهدارانی رَمان پُرّ ببنت و بالی مُرگ، زمینئے سربُرا، آسمانئے کُبّها بال بکننت.“

پێدایش 1:22

هُدایا اے سجّهێن برکت دات و گوَشتنت: ”چُکّ و بَر کنێت. گێش بئیان ببێت و دریایان پُرّ کنێت. بالی مُرگ هم زمینا سکّ باز ببنت.“

پێدایش 1:25

هُدایا زمینئے وَکشیێن هئیوان آیانی جندئے تَهرئے هسابا، دَلوَت آیانی جندئے تَهرئے هسابا و زمینئے سرا لاپکَشّێن جانوَر آیانی جندئے تَهرئے هسابا جۆڑ کرتنت. هُدایا دیست که اے کار شَرّ بوت.

پێدایش 1:31

هُدایا وتی سجّهێن جۆڑ کرتگێن چیزّ چارتنت. دیستی که اے کار سکّ شَرّ بوت. شپ گوَست و سُهب بوت. اے شَشُمی رۆچ اَت.

پێدایش 2:19

هُداوندێن هُدایا چه هاکا زمینئے سرئے سجّهێن وَکشیێن هئیوان و آسمانئے سجّهێن مُرگ جۆڑ کرتگ‌اَتنت. نون آ سجّهێنی مردئے کِرّا آورتنت تان بچاریت که بارێن مَرد آیان کجام نامان تئوارَ کنت. هر نامێا که مَردا آ سَهدار تئوار کرتنت، هما آیانی نام بوت.

پێدایش 6:20

چه هر تَهرئے بالی مُرگ، هر تَهرئے چارپادێن هئیوان، زمینئے سرئے هر تَهرئے لاپکَشّێن جانوَران، یکّ یکّ جُتکے تئیی کِرّا کئیت تانکه اے سجّهێنان زندگ بدارئے.

پێدایش 7:14

آیانی همراهیا هر پئیمێن سَهدار وتی تَهرئے هسابا گۆن اَت؛ هر پئیمێن دَلوَت وتی تَهرئے هسابا، هر پئیمێن لاپکَشّێن جانوَر وتی تَهرئے هسابا و هر پئیمێن مُرگ وتی تَهرئے هسابا، هر پئیمێن بانزُلیێن سَهدار.

پێدایش 8:17

هما سجّهێن سَهدار که تئیی همراه اَنت، ڈَنّا بَرِش گۆن، بالی مُرگ و جانوَر و سجّهێن لاپکَشّان، تانکه زمینئے سرا رُمب و رمَگ بکننت، چُکّ و بَر بکننت و گێشا گێش ببنت.“

پێدایش 8:19

سجّهێن جانوَر و سجّهێن لاپکَشّ و سجّهێن بالی مُرگ و زمینئے سرئے سجّهێن سُرِنده چه بۆجیگا در آتکنت، هر یکّے وتی تَهرئے هسابا.

پێدایش 9:2

زمینئے سجّهێن هئیوان، آسمانئے سجّهێن بالی مُرگ، سجّهێن لاپکَشّ و دریائے سجّهێن ماهیگ شمئے تُرس و بیمّئے چێرا بنت. اے سجّهێن شمئے دستا دئیگ بوتگ‌اَنت.

پێدایش 9:7

نون شما، چُکّ و بَر کنێت و زمینئے سرا گێش ببێت، زمینئے سرا شِنگ و تالان و گێشا چه گێش ببێت.“

زَبور 148:7

هُداوندا چه زمینا ستا کنێت، شما او سجّهێن دریایی سَهداران و زِرئے سجّهێن جُهلانکیان،

دَرگوَز 1:7

بله بنی اِسراییل پُرسَمر اَت. آیان چُکّ و بَر کرت، وَدّان بوت و سکّ باز بوتنت. مِسرئے مُلک چه اِسراییلیان پُرّ بوت.

دَرگوَز 8:3

نیلّئے کئور چه پُگُلا پُرَّ بیت. پُگُل چستَ بنت و تئیی لۆگا کاینت، تئیی وابجاها پُتِرنت و تَهتا سرَ کپنت، تئیی هِزمتکار و مردمانی لۆگان هم کاینت، تئیی تَرون و آرت تَرّ کنگئے دَرپانی تها دئورَ کننت.

مَتّا 12:40

اَنچُش که یونُس تان سئے رۆچ و سئے شپا ٹوهێن ماهیگئے لاپا اَت، همے پئیما انسانئے چُکّ تان سئے رۆچ و سئے شپا زمینئے لاپا بیت.