پێدایش 1:20 - هُدائے پاکێن کتاب، بلۆچی زبانا

²⁰ هُدایا گوَشت: ”آپ چه سَهدارانی رَمان پُرّ ببنت و بالی مُرگ، زمینئے سربُرا، آسمانئے کُبّها بال بکننت.“

پێدایش 1:20 Кръстосани препратки

پێدایش 1:14

هُدایا گوَشت: ”آسمانئے کُبّها رُژناێن چیزّ مان ببیت که رۆچا چه شپا جتا بکننت. اے رُژناێن چیزّ مۆسم، رۆچ و سالانی نشانی ببنت.

پێدایش 1:19

شپ گوَست و سُهب بوت. اے چارمی رۆچ اَت.

پێدایش 1:21

گڑا هُدایا مزنێن دریایی سَهدار و وڑ وڑێن دگه سَهدار اَڈّ کرت که اے، وتی تَهرئے هسابا رَم جۆڑ بوتنت و دریااِش پُرّ کرت. همے پئیما وڑ وڑێن بالی مُرگی اَڈّ کرت، آیانی جندئے تَهرئے هسابا. هُدایا دیست که اے کار شَرّ بوت.

پێدایش 1:22

هُدایا اے سجّهێن برکت دات و گوَشتنت: ”چُکّ و بَر کنێت. گێش بئیان ببێت و دریایان پُرّ کنێت. بالی مُرگ هم زمینا سکّ باز ببنت.“

پێدایش 1:30

من زمینئے سجّهێن هئیوان، آسمانئے سجّهێن مُرگ، سجّهێن لاپکَشّێن جانوَر، بزان هَمُک سَهدار هم په وراکا سبزگ داتگ.“ اے کار بوت.

پێدایش 1:7

هُدایا کُبّه اَڈّ کرت و کُبّهئے چێرئے آپ چه سربُرئے آپان جتا کرتنت. اے کار بوت.

پێدایش 2:19

هُداوندێن هُدایا چه هاکا زمینئے سرئے سجّهێن وَکشیێن هئیوان و آسمانئے سجّهێن مُرگ جۆڑ کرتگ‌اَتنت. نون آ سجّهێنی مردئے کِرّا آورتنت تان بچاریت که بارێن مَرد آیان کجام نامان تئوارَ کنت. هر نامێا که مَردا آ سَهدار تئوار کرتنت، هما آیانی نام بوت.

پێدایش 7:21

زمینئے سرئے سجّهێن سَهدار بێران بوتنت؛ مُرگ و دَلوَت و وَکشیێن هئیوان و هما سجّهێن سهدار که زمینئے سرا رُمب و رمگَ کننت و سجّهێن انسان هم.

پێدایش 8:17

هما سجّهێن سَهدار که تئیی همراه اَنت، ڈَنّا بَرِش گۆن، بالی مُرگ و جانوَر و سجّهێن لاپکَشّان، تانکه زمینئے سرا رُمب و رمَگ بکننت، چُکّ و بَر بکننت و گێشا گێش ببنت.“

زَبور 148:10

او رستر و سجّهێن دَلوَتان، او کسانێن جانوَر و بالی مُرگان،

کاسِدانی کار 17:25

آ په انسانئے هچّ چیزّا وازمند نه‌اِنت و هچکَس په آییا هِزمتے کرتَ نکنت، چێا که آ وت هرکَسا زِند و ساهَ بَکشیت و انسانئے اے دگه لۆٹ و گَرَزان هم سَرجمَ کنت.