پێدایش 1:11 - هُدائے پاکێن کتاب، بلۆچی زبانا

¹¹ هُدایا گوَشت: ”زمین سبزگ برۆدێنیت؛ تُهمدارێن کِشار و نیبگ دئیۆکێن درچک، که هر درچکئے برا، آییئے جندئے تُهم مان ببیت، آیانی جندئے تَهرئے هسابا“ و اَنچُش بوت.

پێدایش 1:11 Кръстосани препратки

پێدایش 1:12

زمینا سبزگ رۆدێنت؛ تُهمدارێن کِشار و نیبگ دئیۆکێن درچک که هَمُک درچکئے بَرا وتی تُهم مان اَت، آیانی جندئے تَهرئے هسابا. هُدایا دیست که اے کار شَرّ بوت.

پێدایش 1:29

هُدایا گوَشت: ”بچارێت، من شمارا زمینئے سرئے هما سجّهێن سبزگانَ دئیان که تُهمَ کارنت و هما سجّهێن درچکانَ دئیان که بَرانِش جندئے تُهم مان اِنت. اے شمئے وراک اَنت.

پێدایش 2:16

هُداوندێن هُدایا مَرد پرمان دات که باگئے هر درچکئے برا ورئے بوَر،

پێدایش 2:5

زمینئے سرا هچّ درچک و دار نرُستگ‌اَت و ڈگاران سبزگ نێست‌اَت. چێا که تان آ وهدا هُداوندێن هُدایا زمینئے سرا هئور نَگوارێنتگ‌اَت و اَنگت اِنسانے نێست‌اَت که زمینا کِشت و کِشارے بکنت.

پێدایش 2:9

هُداوندێن هُدایا چه هاکا هر وڑێن درچک رۆدێنت که گِندَگا زێبا و برِش ورگا وشّ اَتنت. زِندئے درچک و نێکی و بدیئے زانَگئے درچک باگئے نیاما اَتنت.

زَبور 1:3

آ هما درچکئے پئیما اِنت که رُمبۆکێن جۆسرێئے کِرّا کِشَگ بوتگ و مۆسمئے سرا نیبگَ دنت و تاکی نگیمّرنت، هرچے هم که کنت کامیابَ بیت.

زَبور 147:8

آ، آسمانا گۆن جمبرَ پۆشێنیت و زمینا هئورَ بَکشیت و کۆهانی سرا سبزگَ رۆدێنیت.

مَتّا 3:10

نون تَپَر تئیار اِنت که درچکان چه بُنا بگُڈّیت و هر درچکے که شَرّێن بَرَ نئیاریت، گُڈّگ و آسا دئور دئیگَ بیت.

مَتّا 6:30

او کَمباوران! وهدے هُدا گیابانئے کاهان اے ڈئولا زێبا و بْرَهدارَ کنت که مرۆچی هست‌اَنت و باندا تَرونا سۆچگَ بنت، گڑا شمارا چِه پئیما شرترێن پۆشاکَ ندنت؟

مَرکاس 4:28

بے کَسێئے کُمکّا ڈگار، کِشتگێن تُهما په بَر و بَروَردَ رسێنیت. اے ڈئولا: پێسرا تاک، پدا هۆشگ و رَندا هۆشگئے تها دانگ.

آکوب 3:12

او منی براتان! اِنجیرئے درچکے زئیتونئے بَر داتَ کنت؟ یا که انگورئے درچکے اِنجیرَ دنت؟ همے ڈئولا، سۆرێن چَمّگے وشّێن آپ رُمبێنتَ نکنت.