په گَلاتیان پولُسئے کاگد 6:15 - هُدائے پاکێن کتاب، بلۆچی زبانا

¹⁵ چێا که سُنّت بئیَگ و نبئیگئے مانا یَکّ اِنت. تهنا اے چیزّا مانا هست که تئو نۆکێن مردمے بِبئے.

په گَلاتیان پولُسئے کاگد 6:15 Кръстосани препратки

پولُسئے کاگد په رومیان 2:26

اگن آ که سُنّت کنگ نبوتگ بله شَریَتئے رَهبندان پوره بکنت، سُنّت بوتگێن هسابَ نبیت؟

پولُسئے کاگد په رومیان 2:28

چێا که یَهودی آ نه‌اِنت که سرزاهرا یَهودی اِنت و اَنچُش هم راستێن سُنّت بئیگ، سرزاهری چیزّے نه‌اِنت.

پولُسئے کاگد په رومیان 6:4

پمێشکا، ما چه پاکشۆدیئے راها مُرتگ و گۆن آییا کَبر کنگ بوتگێن، تان هما پئیما که مَسیه چه پِتئے شان و شئوکتا چه مُردگان زِندگ کنگ بوت، همے ڈئولا ما هم نۆکێن زِندئے تها گام بجنێن.

پولُسئے کاگد په رومیان 8:1

نون په هما مردمان هچّ مئیارباریے نێست که ایسّا مَسیهئیگ اَنت.

په گَلاتیان پولُسئے کاگد 5:6

چێا که ایسّا مَسیهئے راها سُنّت بئیگ و نبئیگئے مانا یَکّ اِنت، تهنا هما ایمانا مانا هست که چه مِهرئے راها وتا زاهِرَ کنت.

په پیلیپیان پولُسئے کاگد 3:3

چێا که سُنّت بوتگێن ما اێن. اے ما اێن که هُدایا چه آییئے پاکێن روهئے برکتا پرستشَ کنێن. په ما پَهر و شانے که گۆن ایسّا مَسیها هئوار اێن و مارا چه وتی جِسما، بزان چه دنیایی چیزّان اُمێتے نێست،

اِلهام 21:5

هما که تَهتئے سرا نِشتگ‌اَت، گوَشتی: ”بچار، من سجّهێن چیزّان چه نۆکسرا اڈَّ کنان.“ پدا گوَشتی: ”نبشته کن، چێا که اے هبر پُراِهتبار و راست اَنت.“