په گَلاتیان پولُسئے کاگد 5:18 - هُدائے پاکێن کتاب، بلۆچی زبانا

¹⁸ بله اگن پاکێن روه شمئے رهشۆنیا بکنت، گڑا شما شَریَتئے پابند نه‌اێت.

په گَلاتیان پولُسئے کاگد 5:18 Кръстосани препратки

یوهَنّا 16:13

وهدے آ کئیت، بزان راستیئے روه، شمارا دێم په سَرجمێن راستیا رَهشۆنیَ کنت، پرچا که آ وتسرا هچَّ نگوَشیت، تهنا هما چیزّانَ گوَشیت که اِشکُنتِش و شمارا دێمئے هالانی بارئوا سرپدَ کنت.

پولُسئے کاگد په رومیان 7:4

او منی براتان! همے پئیما چه مَسیهئے جِسم و جانئے راها شما چه شَریَتا آزات بوتگ و مُرتگێت تان دگه کَسێئے ببێت، هماییئے ببێت که چه مُردگان جاه جناێنگ بوت، تان په هُدایا بَر و سَمر بیارێن.

پولُسئے کاگد په رومیان 8:12

او براتان! گڑا ما وامدار اێن، بله گُنهکارێن سَرِشتئے وامدار نه‌اێن که آییئے هسابا زِند بگوازێنێن.

پولُسئے کاگد په رومیان 8:14

آ سجّهێن مردم هُدائے چُکّ اَنت که هُدائے روه آیانی رَهشۆن اِنت.

په گَلاتیان پولُسئے کاگد 5:16

نون منَ گوَشان، گۆن پاکێن روها همگام ببێت. اے پئیما شما گُنهکارێن تَب و سَرِشتئے لۆٹ و واهگانی رندا نکپێت.

په گَلاتیان پولُسئے کاگد 5:23

نَرم‌تَبی و داشْت. چُشێن چیزّانی هلاپا هچّ شَریَت و کانون نێست.

په گَلاتیان پولُسئے کاگد 5:25

نون که ما پاکێن روهئے رِدا زندَ گوازێنێن، گڑا گۆن پاکێن روها همگام ببێن.

په تیموتاووسا پولُسئے ائولی کاگد 1:9

ما اے هم زانێن که شَریَت په پهرێزکاران جۆڑ کنگ نبوتگ، په شَریَتئے پرۆشۆکان، په سَرکَشّان، په هُداناپرمان و گنهکاران، په ناپاک و بێدینان، په همایان که وتی پت و ماتانَ کُشنت، په هۆنیگان،

په تیموتاووسا پولُسئے دومی کاگد 1:7

چێا که هُدایا مارا چُشێن روهے نداتگ که مارا بُزدل بکنت، مارا زۆر و واک و مِهر و داشتئے روهی بَکشاتگ.