په گَلاتیان پولُسئے کاگد 4:24 - هُدائے پاکێن کتاب، بلۆچی زبانا

²⁴ اے گپّ مسال اَنت، چێا که اے دوێن جنێن دو اَهد و پئیمانئے نمونه اَنت. یکّ اَهد و پئیمانے چه سینائے کۆها کئیت و گُلامێن چُکّ پێدا کنت. اے هاجِر اِنت.

په گَلاتیان پولُسئے کاگد 4:24 Кръстосани препратки

پێدایش 16:8

پرێشتگا گوَشت: ”او هاجِر، ساراییئے مۆلد! تئو چه کجا آتکگئے و کجا رئوگا ائے؟“ هاجِرا گوَشت: ”من چه وتی بانُک ساراییا تچگا آن.“

پێدایش 25:12

اِبراهێمئے چُکّ اِسماێل، که چه سارَهئے مِسری مۆلد هاجِرا پێدا بوتگ‌اَت، آییئے نَسل و پَدرێچئے کِسّه چُش اِنت:

مَتّا 13:35

تان پئیگمبرئے اے هبر سَرجم ببیت که گوَشیت: ”من گۆن مِسال و دَروَران وتی زبانا پَچَ کنان و گۆن آیان اَنچێن هبرَ کنان که چه دنیائے پێدائِشا بگر تان اَنگت، چێر و اَندێم بوتگ‌اَنت.“

پولُسئے کاگد په رومیان 8:15

شمارا گُلامی روهے نرَستگ که پدا بتُرسێت، شما په چُکّی زورگ بوتگێت و هُدایی روه شمارا رَستگ. چه همے روها کوکّارَ کنێن ”اَبّا، او پِت!“

په گَلاتیان پولُسئے کاگد 4:25

مسالئے هبرا، هاجِر سینائے کۆه اِنت، هما کۆه که اَرَبِستانا اِنت و انّوگێن اورشلیمئے ڈئولا اِنت، چێا که آییئے جند و آییئے چُکّ گُلامێن زِندے گوازێنگا اَنت،

په گَلاتیان پولُسئے کاگد 4:3

گڑا ما هم، تانکه نابالِگ اَتێن، اے دُنیائے راه و رهبندانی گُلام اَتێن.

په گَلاتیان پولُسئے کاگد 5:1

مَسیها مارا آزات کرت که ما آزات ببێن. گڑا مُهر بۆشتێت، وتارا پدا گُلامیئے جُگئے چێرا رئوَگا مئیلێت.