په گَلاتیان پولُسئے کاگد 4:15 - هُدائے پاکێن کتاب، بلۆچی زبانا

¹⁵ شمئے آ شادمانی نون کُجا شُتگ؟ چێا که من گواهی داتَ کنان که اگن شمئے وَسا بوتێن، شما وتی چمّ هم کَشّتگ و منا داتگ‌اَتنت.

په گَلاتیان پولُسئے کاگد 4:15 Кръстосани препратки

لوکا 8:13

ڈَل و ڈۆکێن زمینئے رِتکگێن تُهمانی مانا، هما مردم اَنت که هُدائے هبرانَ اِشکننت و په گَل و وشّیَ مَنّنت، بله هُدائے هبر، آیانی دلا ریشّگ و وَنڈالَ نجننت، تان کَمُّکے وهدا رَند، آیانی باور کمَّ بیت و آزمائِش و چَکّاسئے وهدا پُشتا کِنزنت و چه راها ٹَگلنت.

پولُسئے کاگد په رومیان 10:2

من په آیان گواهی داتَ کنان که آ په هُدایا هُدۆناک و پُرجۆش اَنت، بله آیانی اے هُدۆناکی چه شَرّێن زانت و زانگێا نه‌اِنت.

پولُسئے کاگد په رومیان 15:13

اُمێتئے هُدا که شما آییئے سرا باور کرتگ، شمئے دلا چه شادهی و سُهل و آرامیا پُرّ کنات، تان گۆن پاکێن روهئے واک و زۆرا چه اُمێتا سررێچ ببێت.

پولُسئے کاگد په رومیان 5:2

چه ایسّا مَسیهئے راها، اے رهمتئے دروازگ هم په ما پَچ کنگ بوتگ و انّون رهمتانی ساهگا اۆشتاتگێن، وتی اے اُمێتئے سرا گَل و شادهی هم کنێن که هُدائے شان و شئوکتا شریکدارَ بێن.

پولُسئے کاگد په رومیان 9:3

درێچا وتی همرَگ و همزاتێن براتانی هاترا، من نالت کنگ بوتێنان و چه مَسیها بسِستێنان.

په گَلاتیان پولُسئے کاگد 3:14

مَسیها مارا مۆکت که چه آییئے وَسیلها اِبراهێمئے برکت درکئومان سر ببیت و چه ایمانئے راها مارا هما پاکێن روه برسیت که هُدایا کئول کرتگ.

په گَلاتیان پولُسئے کاگد 4:14

بِلّ تُرے منی جسمی هالت په شما چَکّاسے اَت، بله شما منا بے‌اَرزش نزانت و دئور ندات. اَنگت شما منا اَنچۆ دست گِپت، گوَشئے من هُدائے پرێشتگے اَتان، گوَشئے ایسّا مَسیهئے جند اَتان.

په گَلاتیان پولُسئے کاگد 4:16

گڑا نون من شمئے دُژمن جۆڑ بوتگان که گۆن شما راستێن هبرا کنان؟

په گَلاتیان پولُسئے کاگد 4:19

منی چُکّان! من پدا په شما چِلّگی دردان آن، تان هما وهدا که پکّا زاهر ببیت که مَسیه شمئے دل و درونا نِشتگ.

په گَلاتیان پولُسئے کاگد 5:22

بله پاکێن روهئے بَر و سَمر اِش اَنت: مِهر، شادِه، اێمنی، سَبر و اۆپار، مِهربانی، شَرّی، وَپاداری،

په گَلاتیان پولُسئے کاگد 6:4

هرکَس وتی جندئے کاران بِچاریت. گڑا آییئے پهر کنگئے سئوَب، آییئے وتی جندئے کارَ بنت، گۆن دگرێئے کاران دێم په دێمِشَ نکنت.

په تِسالونیکیان پولُسئے ائولی کاگد 2:8

ما په شما سکّ واهَگدار اَتێن و په گَلے گۆن شما تهنا هُدائے وشّێن مِستاگ بهر نکرت، وتی جندئے زندگی هم بهر کرت، چێا که شما مارا سکّ دۆست اَتێت.

په تِسالونیکیان پولُسئے ائولی کاگد 5:13

آیانی کارئے سئوَبا آیان باز اِزّت بدئیێت و دۆست بدارێت. گۆن یکدومیا په اێمنی زِند بگوازێنێت.