په گَلاتیان پولُسئے کاگد 3:1 - هُدائے پاکێن کتاب، بلۆچی زبانا

¹ او بےاَگلێن گَلاتیان! کئیا شمارا سِهر کرتگ؟ ایسّا مَسیهئے سَلیب کشّگئے کِسّه گۆن شما اَنچۆ پَکّاییا بئیان کنگ بوت که هر چیزّ پوره شمئے چمّانی دێما زاهر بوت.

په گَلاتیان پولُسئے کاگد 3:1 Кръстосани препратки

مَتّا 24:24

چێا که درۆگێن مَسیه و درۆگێن نبی جاهَ جننت و مزنێن نشانی و اَجِکّایی پێشَ دارنت. وتی سجّهێن زۆرا جننت که گچێن کرتگێنان هم گُمراه بکننت.

مَتّا 7:26

بله کَسے که منی هبران گۆشَ داریت و آیانی سرا کارَ نکنت، هما هۆڑ و کَمزانتێن مردمئے ڈئولا اِنت که وتی لۆگی رێکانی سرا بست.

لوکا 24:25

ایسّایا گۆن آیان گوَشت: ”او ناسرپدان! په نبیانی سجّهێن هبرانی باور کنگا شمئے دل کۆر اِنت.

کاسِدانی کار 16:6

پولُس و آییئے همراه چه پْریجیَه و گَلاتیَهئے دَمگان گوَستنت، چێا که پاکێن روها آ، آسیائے دَمگا هُدائے هبرئے رسێنگ و شِنگ کنگا مکن کرتنت.

کاسِدانی کار 6:7

اے ڈئولا هُدائے پاکێن هبر مردمانی نیاما تالان بوت و اورشَلیما مرید سکّ زوتّ گێشا چه گێشتر بئیانَ بوتنت. بازێن دینی پێشواے هم اے باوَرئے مَنّۆگر بوت.

پولُسئے کاگد په رومیان 10:16

بله بازێنێا اے وشّێن مِستاگ نمَنِّتگ، چێا که اِشئیا نَبیَ گوَشیت: ”او هُداوند! مئے پئیگامئے سرا کئیا باور کرت؟“

پولُسئے کاگد په رومیان 2:8

بله په وَتواه و هما مردمان وتی کَهر و گَزبا گوارێنیت که هَکّ و راستیئے بدلا بَدکاریئے رَندگیر اَنت.

پولُسئے کاگد په رومیان 6:17

بله هُدائے شُگر اِنت، هرچُنت پێسرا گناهئے گُلام اتێت، نون شما په سِتکِ دل هما تالیمئے پَرمانبرداری کرتگ که آییئے سپرده بوتگێت.

په گَلاتیان پولُسئے کاگد 1:2

اے سجّهێن برات که گۆن من یکجاه اَنت، اے کاگد چه آیانی نێمگا اِنت هم. په گَلاتیَهئے کلیسایان.

په گَلاتیان پولُسئے کاگد 1:6

من هئیران آن که شما په دگه ”وشّێن مِستاگێا“ چۆن زوتّ هما هُدایا یله کنگا اێت که شمارا تئواری کرتگ که مَسیهئے رهمتانی چێرا زند بگوازێنێت.

په گَلاتیان پولُسئے کاگد 2:14

بله وهدے من دیست که اے مردم وَشّێن مِستاگئے راستێن راها رئوَگا نه‌اَنت، سجّهێنانی دێما گۆن کێپایا گوَشتُن: ”تئو وت یَهودیے ائے و اَنگت وتی زندا یَهودیانی ڈئولا نگوازێنئے، درکئومانی ڈئولا گوازێنئے، گڑا درکئومان پرچا هُجَّ کنئے که یَهودیانی ڈئولا زند بگوازێننت؟“

په گَلاتیان پولُسئے کاگد 3:3

همینچک بےاَگل اێت؟ شما وتی سپر، پاکێن روهئے برکتا بندات کرتگ. نون گۆن اِنسانی جُهدا منزلا سر بئیگَ لۆٹێت؟

په گَلاتیان پولُسئے کاگد 4:9

بله نون که هُدایا زانێت، یا راست‌ترێن گپّ اِش اِنت که هُدا شمارا زانت، گڑا چۆن نزۆر و بێکارێن راه و رهبندانی نێمگا پِرَ ترّێت؟ یک رندے پدا همِشانی گُلام بئیَگَ لۆٹێت؟

په گَلاتیان پولُسئے کاگد 5:11

او براتان! من وَه نون سُنّت کنگئے وازا کنگا نه‌آن و پمێشکا آزار دئیگ بئیگا آن. اگن من سُنّت کنگئے واز بکرتێن، گڑا چه سَلیبئے پئیگاما کَسّا بَد نبُرتگ‌اَت.

په تِسالونیکیان پولُسئے دومی کاگد 1:8

همایان سِزا دنت که هُدایا پَجّاهَ نئیارنت و مئے هُداوندێن ایسّائے وشّێن مِستاگئے پرمانبرداریا نکننت.

په تیموتاووسا پولُسئے ائولی کاگد 6:4

آ گُروناک اِنت و هچّ سرپدَ نبیت. آییا نٹَهگ و لبز و مانایانی سرا اَڑ و کُڑ کنگ وَشَّ بیت و اے نادراهیے. اِشیئے آسر هما مردمانی نیاما هَسَدّ، سِست و سێد، بُهتام‌جَی، بدگُمانی و

پِتْرُسئے ائولی کاگد 1:22

نون که شما گۆن راستیئے رَندگیریا وتا پاک و پَلگار کرتگ و گۆن یکدگرا په‌دِلێن مِهرئے واهند بوتگێت، گڑا په دل و سِتک گۆن یکدومیا مِهر بکنێت.

پِتْرُسئے ائولی کاگد 4:17

نون دادرسیئے وهد آتکگ و اے دادرسی چه هُدائے هاندان و کَهۆلا بِنداتَ بیت. اگن دادرسی چه هُدائے هاندانا بِنداتَ بیت که ما اێن، گڑا آ مردمانی آسر و آکبت چے بیت که هُدائے وشّێن مِستاگئے نمَنّۆک اَنت؟!

پِتْرُسئے دومی کاگد 2:18

اے، بَٹاکَ جننت و هبرِش پوچ و هالیگ اَنت. هما مردمان گۆن جسمی بدێن واهگان پرێبَ دئینت و وتی داما پِرّێننت که نۆکی چه رَدکارانی دستا رَکّتگ‌اَنت.

اِلهام 18:3

چێا که سجّهێن کئومان آییئے زنائے مَست کنۆکێن شراب وارتگ. جهانئے بادشاهان گۆن آییا زنا کرتگ و دنیائے سئوداگر چه آییئے زیادهێن ائیش و آسودگیان هستۆمند بوتگ‌اَنت.

اِلهام 2:20

بله منا چه تئو یکّ گِلَگے هست که تئو هما جنێن، ایزابِلا سگّگا ائے که وتا پئیگمبرے گوَشیت. آ تالیم دئیگا اِنت و منی هِزمتکاران گُمراه کنگا اِنت. آیان بێراه و رهبندێن وپت و واب و هما کُربانیگانی ورگئے سۆجا دئیگا اِنت که په بُتان کنگ بوتگ‌اَنت.