په گَلاتیان پولُسئے کاگد 2:6 - هُدائے پاکێن کتاب، بلۆچی زبانا

⁶ آ که کلیسائے تها سرۆک زانَگَ بوتنت، آیان منی تالیمانی تها هچّ چیزّ گێش نکرت. چۆناها هم منی کرّا اے گپّا هچّ اَرزش نێست‌اَت که آ چینچُک نامدار اَنت، چێا که هُدا رو و ریا نکنت.

په گَلاتیان پولُسئے کاگد 2:6 Кръстосани препратки

مَتّا 22:16

نون لهتێن شاگردِش گۆن هیرودیانی همراهیا آییئے کِرّا رئوان دات تان بگوَشنت: ”او استاد! ما زانێن که تئو تچک و راستێن مردمے ائے و هُدائے راها په راستیا سۆجَ دئیئے و هچکَسێئے نێمگا نگرئے، چێا که سجّهێنان په یکّ چمّێا چارئے.

مَرکاس 12:14

نون آتک و جُستِش کرت: او استاد! ما زانێن که تئو تچک و راستێن مردمے ائے و هرچے گوَشئے په راستیا گوَشئے و هچکَسێئے نێمگا نگرئے، چێا که سجّهێنان په یکّ چمّێا چارئے و گۆن راستی و دلستکی هُدائے راها سۆجَ دئیئے. بارێن، رومئے بادشاه کئیسَرا، سُنگ و مالیات دئیگ رئوا اِنت یا نه؟ ما آییا مالیات بدئیێن یا مدئیێن؟

لوکا 20:21

آیان جُست کرت: ”او استاد! ما زانێن تئو هرچے که گوَشئے، هر تالیمے که دئیئے، آ سجّهێن راست اَنت و هچکَسێئے نێمگا نگرئے و په راستی هُدائے راها سۆجَ دئیئے.

کاسِدانی کار 10:34

پِتْرُسا تْران کرت و گوَشت: ”من نون په دلجمی سرپد بوتگان که هُدا په کَسّێا رو و ریا نکنت.

کاسِدانی کار 5:36

کمّے وهدا پێسر هم تیوداس نامێن مردێا جاه جت و وتا مَزَن‌مردے زانتی، چار سدے مردم آییئے همراه بوت. بله آ کُشگ بوت و آییئے همراه سِست و سێد بوتنت و هچّ نبوت.

پولُسئے کاگد په رومیان 2:11

چێا که هُدا رو و ریا نکنت.

په گَلاتیان پولُسئے کاگد 2:2

اِلهامێئے سئوَبا شُتان و وشّێن مِستاگ آیانی دێما بئیانُن کرت، هما مِستاگ که من په درکئومان جار جنگا آن. هما مردم که کلیسائے سرۆک زانگَ بوتنت، من گۆن آیان جتا گِند و نِند کرت، تانکه بزانان که بێپائِدگێن تَچ و تاگے کنگا نبوتگان و نه‌آن.

په گَلاتیان پولُسئے کاگد 6:3

اگن کَسے وتا مزنَ لێکیت بله هچّے نه‌اِنت، آ وتا رَد دئیگا اِنت.

پِتْرُسئے ائولی کاگد 1:17

اگن شما هُدایا وتی پتَ گوَشێت، که آ هرکَسئے دادرسیا بے رو و ریا، آییئے کارانی هسابا کنت، گڑا وتی دَرانڈهیئے وهد و پاسان په شرپ و اِزّت گۆن هُداتُرسی بگوازێنێت.