دَرگوَز 9:24 - هُدائے پاکێن کتاب، بلۆچی زبانا

²⁴ ترۆنگلا گوَرت و ترۆنگلئے وهدا گِرۆکا په دَمانے هم بَسّ نکرت. اَنچۆ ترۆنگل بوت که مِسرا پێسرا هچبر نبوتگ‌اَت، چه هما وهدا که مِسر مُلکے جۆڑ بوتگ.

دَرگوَز 9:24 Кръстосани препратки

زَبور 105:32

هئورئے بدلا ترۆنگلی گْوارێنت، آس و بیر، آیانی سجّهێن سرزمینا.

زَبور 18:13

هُداوندا چه آسمانا گْرندِت و بُرزێن اَرشئے هُدایا چه تپتگێن سِنگ و آچشێن اَنگَران وتی تئوار سر دات.

دَرگوَز 10:6

مَدَگ تئیی و تئیی هِزمتکار و سجّهێن مِسریانی لۆگان اَنچۆ مانَ رِچنت که شمئے پت و پیرُکان ندیستگ، چه هما وهدا بگر که آ اے زمینا بوتگ‌اَنت، تان اے وهدا.‘“ موسّایا پُشت مان دات و چه پِرئونئے کرّا شت.

دَرگوَز 9:18

بچار، باندا همے وهدا من اَنچێن تْرندێن ترۆنگلے گوارێنان که چه اِد و پێش مِسرا هچبر نبوتگ، چه هما وهدا بگر که مِسرئے بُنپد اێر کنگ بوتگ تان رۆچِ مرۆچیگا.

دَرگوَز 9:23

موسّایا وتی اَسا آسمانئے نێمگا شهار دات و هُداوندا گرَند و ترۆنگل راه دات و زمینا بیر کپت. هُداوندا مِسرئے مُلکا ترۆنگل گوارێنت.

دَرگوَز 9:25

سجّهێن مِسرا هرچے که ڈَنّا اَت، ترۆنگلا جت و پرۆشت، انسانا بگر تان جانوَرا. ڈگارانی سجّهێن کِشار و درچکی هم جت و پرۆشتنت.

مَتّا 24:21

چێا که هما رۆچان، اَنچێن گرانێن سکّی و سۆریے کپیت که آییئے مِسال چه جهانئے جۆڑ بئیگا تان اے وهدا نئیاتکگ و هچبر هم نئیئیت.