دَرگوَز 9:23 - هُدائے پاکێن کتاب، بلۆچی زبانا

²³ موسّایا وتی اَسا آسمانئے نێمگا شهار دات و هُداوندا گرَند و ترۆنگل راه دات و زمینا بیر کپت. هُداوندا مِسرئے مُلکا ترۆنگل گوارێنت.

دَرگوَز 9:23 Кръстосани препратки

پێدایش 19:24

گڑا هُداوندا سُدوم و گُمورَهئے سرا آس و گۆکُرت گْوارێنت. اے آس و گۆکُرت چه هُداوندئے نێمگا، چه آسمانا رِتکنت.

زَبور 147:17

ترۆنگلا نانئے هوردگانی پئیما اێرَ دنت، کئے آییئے برپێن سارتیئے دێما اۆشتاتَ کنت؟

زَبور 148:8

او گِرۆک و ترۆنگل، برپ و جمبران، او توپانێن گواتان که هماییئے هُکما برجاهَ دارێت،

زَبور 18:13

هُداوندا چه آسمانا گْرندِت و بُرزێن اَرشئے هُدایا چه تپتگێن سِنگ و آچشێن اَنگَران وتی تئوار سر دات.

زَبور 29:3

هُداوندئے تئوار آپانی سربُرا اِنت، شان و شئوکتئے هُدا گْرندیت، هُداوند پُرزۆرێن آپانی سربُرا گْرندیت.

زَبور 77:18

تئیی گْرندئے تئوار دَنز و گواتانی تها اَت، تئیی نورا جهان رۆشنا کرت، زمین لرزت و جُمبِت.

دَرگوَز 19:16

چۆ بوت که سئیمی رۆچئے سُهبا گْرند و گِرۆک بوت و کۆهئے سرا بَزێن جمبرے زاهر بوت و کرنائے اَنچێن ترُندێن تئوارے چِست بوت که اُردگاهئے سجّهێن مردم چه تُرسا لَرزِتنت.

دَرگوَز 20:18

وهدے سجّهێن مردمان دیست که گْرند و گِرۆک اِنت و کرنائے تئوار اِنت و دوتّێا کۆه پۆشِتگ، چه تُرسا لَرزِت و دور اۆشتاتنت.

دَرگوَز 9:18

بچار، باندا همے وهدا من اَنچێن تْرندێن ترۆنگلے گوارێنان که چه اِد و پێش مِسرا هچبر نبوتگ، چه هما وهدا بگر که مِسرئے بُنپد اێر کنگ بوتگ تان رۆچِ مرۆچیگا.

دَرگوَز 9:24

ترۆنگلا گوَرت و ترۆنگلئے وهدا گِرۆکا په دَمانے هم بَسّ نکرت. اَنچۆ ترۆنگل بوت که مِسرا پێسرا هچبر نبوتگ‌اَت، چه هما وهدا که مِسر مُلکے جۆڑ بوتگ.

اِلهام 16:18

گِرۆکان جت، بُرزێن تئوار و گْرند بوت و اَنچێن بلاهێن زمین‌چَنڈے آتک که چه هما وهدا که انسان زمینئے سرا پێدا بوتگ، چُشێن زمین‌چَنڈے نبوتگ، اَنچێن زۆرمندێن زمین‌چَنڈے اَت.

اِلهام 16:21

بلاهێن ترۆنگلے بوت. هر یکّ ترۆنگلے چِلّ کیلوئے کِساسا گران اَت و چه آسمانا مردمانی سرا کپت. آیان په ترۆنگلئے توپّانئے اَزابا هُدائے هلاپا کُپر کرت، چێا که اے اَزاب سکّ تُرسناک اَت.

اِلهام 8:7

ائولیگا وتی کَرنا جت، ترۆنگل و آس گۆن هۆنا هئوار زمینئے سرا اێر رێچگ بوت. زمینئے سئےیکّ آسا اێر برت، درچکانی سئےیکّ آسا اێر برت و سجّهێن سبزێن کاه آسا اێر برتنت.