دَرگوَز 8:8 - هُدائے پاکێن کتاب، بلۆچی زبانا

⁸ پِرئونا موسّا و هارون لۆٹاێنتنت و گوَشتی: ”هُداوندئے کرّا دْوا کنێت که پُگُلان چه من و منی مردمان دور ببارت. من شمئے مهلوکا رئوگا کِلّان که په هُداوندا کُربانیگ بکنت.“

دَرگوَز 8:8 Кръстосани препратки

زَبور 66:3

هُدایا بگوَشێت: ”تئیی کار چنکدر باکمال اَنت. تئیی واک و کدرتئے مزنیئے سئوَبا دژمن تئیی دێما هاکا کپنت.

دَرگوَز 10:16

پِرئونا دمانا موسّا و هارون گْوانک جت و گوَشتنت: ”من شمئے هُداوندێن هُدائے و شمئے گُنهکار آن.

دَرگوَز 10:17

اے یکّێن رندا منی گناها ببکشێت و چه وتی هُداوندێن هُدایا دْوا بلۆٹێت که اے مَلکَموتا چه منی سرا بٹَگلێنیت.“

دَرگوَز 10:18

موسّا چه پِرئونئے کرّا شت و چه هُداوندا دْوایی لۆٹت.

دَرگوَز 14:5

پِرئون سهیگ بوت که اے مهلوک تتکگ. اِشانی بارئوا پِرئون و آییئے هِزمتکارانی اِراده بدل بوت، گوَشتِش: ”ما چێا چُشێن کارے کرت؟ اِسراییلی مئے هِزمتا کنگا اَتنت، ما چێا رئوگا اِشتنت؟“

دَرگوَز 32:11

بله موسّایا وتی هُداوندێن هدائے کرّا پریات و زاری کرت و گوَشت: ”او هُداوند! اے مهلوک که تئو گۆن مزنێن واکے و زۆرمندێن دستے چه مِسرا در کرت و آورت، نون اِشان چێا تئیی هِژم بسۆچیت؟

دَرگوَز 5:2

بله پِرئونا گوَشت: ”یَهوِه کئے اِنت که من آییئے گپّا گۆش بداران و بنی اِسراییلا رئوگا بِلّان؟ من یَهوِها نزانان و بنی اِسراییلا رئوگا نئیلان.“

دَرگوَز 8:15

وهدے پِرئونا دیست که چه اے کَهرا جان چُٹِّت، هما پئیما که هُداوندا گۆن موسّایا گوَشتگ‌اَت، پِرئونا وتی دل سِنگ کرت و موسّا و هارونئے هبری گۆش نداشتنت.

دَرگوَز 8:29

موسّایا گوَشت: ”بِچار، من چه تئیی کِرّا درَ کایان و هُداوندئے بارگاها دْوا کنان. باندا مَکِسک چه تئوِ پِرئون و تئیی هِزمتکار و مردمان دورَ کاینت. بله چۆ مبیت که تئوِ پِرئون پدا مَکر و پرێب بکنئے و مردمان مئیلئے که برئونت و په هُداوندا کُربانیگ بکننت.“

دَرگوَز 8:32

بله اے رندی پدا پِرئونا وتی دل سِنگ کرت و مردمی رئوگا نه‌اِشتنت.

دَرگوَز 8:9

موسّایا گۆن پِرئونا گوَشت: ”جی، هُکم کن. کدی په تئو و په تئیی هِزمتکار و مردمان دْوا بکنان که پُگُل چه تئو و چه تئیی لۆگان گار و بێگواه ببنت و تهنا کئورا بجَلّنت؟“

دَرگوَز 9:27

پِرئونا موسّا و هارون لۆٹاێنت و گوَشتنت: ”اے بَری من گناه کرتگ. هُداوند بَرهَکّ اِنت و من و منی مردم مئیاربار اێن.

دَرگوَز 9:28

هُداوندئے کرّا دْوا بکنێت که اے بَلاهێن گرَند و ترۆنگلا مارا کُشت. من شمارا رئوگا کِلّان. شمارا چه اِد و گێشتر اِدا نداران.“

دَرگوَز 9:33

موسّا چه پِرئونئے کرّا شت و چه شهرا که در آتک، دستی هُداوندئے نێمگا چِست کرتنت. گْرند و ترۆنگل اۆشتاتنت و هئورا گوارگ بَسّ کرت.

کاسِدانی کار 8:24

شَمونا پَسّئو دات: ”شما چه هُداوندا په من دْوا بلۆٹێت، تان هما چیزّ که شما گوَشتنت، یکّے هم منی سرا مکپیت.“