دَرگوَز 8:27 - هُدائے پاکێن کتاب، بلۆچی زبانا

²⁷ ما باید اِنت گیابانا سئے رۆچئے راها برئوێن و په وتی هُداوندێن هُدایا کُربانیگ بکنێن، هما پئیما که هُدایا مارا گوَشتگ.“

دَرگوَز 8:27 Кръстосани препратки

دَرگوَز 10:26

باید اِنت ما وتی مال و دَلوَتان هم ببَرێن گۆن. یکّ سْرُمبے هم پَشت مکپیت، چێا که ما چه اِشان لهتێن په وتی هُداوندێن هُدایا گچێنَ کنێن و تانکه ما اۆدا سَر مبێن، نزانێن کجامیا په هُداوندا کُربانیگ بکنێن.“

دَرگوَز 3:12

هُدایا گوَشت: ”من گۆن تئو گۆنَ بان. تئو که کئوما زورئے و چه مِسرا درَ کائے، شما همے کۆها هُدائے پرستشا کنێت. و اے یکّ نِشانیے بیت که تئیی راه دئیۆک من آن.“

دَرگوَز 3:18

اِسراییلئے کماش تئیی هبران گۆشَ دارنت. شما هۆریگا مِسرئے بادشاهئے کرّا برئوێت و گۆن آییا بگوَشێت که هُداوند، بزان اِبرانیانی هُدا مئے دێما زاهر بوتگ. نون مارا رَزا بدئے که ما گیابانا سئے رۆچئے راها رئوێن و په وتی هُداوندێن هُدایا کُربانیگَ کنێن.

دَرگوَز 34:11

ترا مرۆچی هر هُکمے که دئیان، هما پئیما بکن. من اَموری و کَنهانی و هیتّی و پِریزّی و هێوی و یَبوسیان چه تئیی دێما دورَ کنان.

دَرگوَز 5:1

رندا موسّا و هارون شتنت و گۆن پِرئونا گوَشتِش: ”یَهوِه، اِسراییلئے هُدا چُشَ گوَشیت: ’منی مهلوکا بِلّ که گیابانا رئوت و په من جَشنے کنت.‘“

دَرگوَز 5:3

آیان گوَشت: ”اِبرانیانی هُدا مئے دێما زاهر بوتگ. نون مارا بِلّ که گیابانا سئے رۆچئے راها رئوێن و په وتی هُداوندێن هُدایا کُربانیگَ کنێن. چۆ مبیت که گۆن وَبا یا زهما مئے سرا بکپیت.“

مَتّا 28:20

آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“