دَرگوَز 8:19 - هُدائے پاکێن کتاب، بلۆچی زبانا

¹⁹ جادوگران گۆن پِرئونا گوَشت: ”اے هُدایی کارے.“ بله هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.

دَرگوَز 8:19 Кръстосани препратки

پێدایش 41:24

لاگَرێن هۆشگان هپتێن شَرّێن هۆشگ وارتنت. من گۆن جادوگران کِسّه کرت، بله چه آیان کَسّا اے واب مانا کرت نکرت.“

زَبور 8:3

وهدے تئیی آسمانانی نێمگا چاران که تئیی لنکُکانی اِزم و هنر اَنت ماه و اِستارانی نێمگا، که تئو برجاه داشتگ‌اَنت،

دَرگوَز 10:23

تان سئے رۆچا کسّا کسّ ندیست و کسّ چه وتی جاگها پاد نئیاتک. بله اِسراییلیانی سجّهێن هَنکێن رُژنا اَتنت.

دَرگوَز 10:7

هِزمتکاران گۆن پِرئونا گوَشت: ”تان کدی اے مرد مئے گُٹّا لۆپ اِنت؟ بِلّی مردمَ رئونت و وتی هُداوندێن هُدائے پرستشا کننت. مِسر تباه اِنت، تئو اَنگت سرپدَ نبئے؟“

دَرگوَز 11:7

بله بنی اِسراییلئے سرا کُچِکّے هم نئوَکّیت، نه مردمێئے سرا و نه دَلوَتێئے سَرا.‘ گڑا شما زانێت که هُداوند اِسراییل و مِسرئے نیاما پرک و پێرَ کنت.

دَرگوَز 7:13

بله اَنچۆ که هُداوندا گوَشتگ‌اَت، پِرئونئے دل اَنگت سِنگ اَت و آیانی هبری گۆش نداشتنت.

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 7:5

وهدے وتی دستا مِسرئے هِلاپا چِستَ کنان و بنی اِسراییلا چه مِسریانی نیاما کشّان، نون مِسریَ زاننت که من هُداوند آن.“

دَرگوَز 9:26

تهنا گۆشِنئے دَمگا ترۆنگلا نگوَرت، همۆدا که بنی اِسراییل نِشتگ‌اَت.

دَرگوَز 9:4

بله هُداوند اِسراییلی و مِسریانی مال و دَلوَتانی نیاما پرک و پێرَ کنت و چه اِسراییلیانی مال و دَلوَتان یکّے هم نمریت.“‘“

دانیال 2:19

گڑا هما شپا اے راز په دانیالا، شُبێنێا پدّر کنگ بوت. نون دانیالا آسمانی هُدائے ستا کرت.

مَتّا 12:28

بله اگن من گۆن هُدائے روها جِنّان درَ کنان، بزانێت که هُدائے بادشاهی شمئے نیاما رَستگ.

لوکا 11:20

بله اگن من گۆن هُدائے زۆر و واکا جِنّان درَ کنان، بزانێت که هُدائے بادشاهی شمئے نیاما رَستگ.

یوهَنّا 11:47

پَریسی و مزنێن دینی پێشوایان، سرۆکانی دیوانئے باسک لۆٹاێنتنت و گوَشتِش: ”ما چے کنگا اێن؟ اے مرد بازێن مۆجزه و اَجَبَّتێن نشانیے پێش دارگا اِنت.

کاسِدانی کار 4:16

وت‌مان‌وتا گوَشتِش: ”گۆن اے مردمان چے بکنێن؟ چێا که اورشَلیمئے سجّهێن جَهمنندَ زاننت اِشانی دستا یکّ اَنچێن مۆجزهے زاهر بوتگ که نمَنّگَ نبیت.