دَرگوَز 8:16 - هُدائے پاکێن کتاب، بلۆچی زبانا

¹⁶ هُداوندا گۆن موسّایا گوَشت: ”هارونا بگوَش: ’وتی اَسایا شهار دئے و زمینئے هاکان بجن که سجّهێن مِسرا پَشّگ مان برچیت.‘“

دَرگوَز 8:16 Кръстосани препратки

زَبور 105:31

آییا هبر کرت و مکسکانی لشکر آتکنت و پَشَّگ آیانی سجّهێن مُلکا مان رتک.

دَرگوَز 4:23

من ترا گوَشت که منی چُکّا بِلّ که رئوت و منی پرستشا کنت. بله تئو نَمَنِّت و رئوگا نه‌اِشت. بِچار، نون من تئیی چُکّا کُشان، تئیی ائولی مَردێن‌چُکّا.‘“

دَرگوَز 5:1

رندا موسّا و هارون شتنت و گۆن پِرئونا گوَشتِش: ”یَهوِه، اِسراییلئے هُدا چُشَ گوَشیت: ’منی مهلوکا بِلّ که گیابانا رئوت و په من جَشنے کنت.‘“

دَرگوَز 8:15

وهدے پِرئونا دیست که چه اے کَهرا جان چُٹِّت، هما پئیما که هُداوندا گۆن موسّایا گوَشتگ‌اَت، پِرئونا وتی دل سِنگ کرت و موسّا و هارونئے هبری گۆش نداشتنت.

دَرگوَز 8:17

آیان اَنچُش کرت. هارونا وتی دست گۆن اَسایا شهار دات و زمینئے هاکی جتنت. سجّهێن مِسرا، زمینئے هاک بدل بوت و پَشّگ بوتنت و مردم و جانوَران پِر رِتکنت.

دَرگوَز 8:18

جادوگران گۆن وتی جادوا وَس کرت که پَشّگ بیارنت، بله آورتِش نکرت. پَشّگ مردم و جانوَران پِر لِچِّتگ‌اَتنت.

دَرگوَز 8:5

هُداوندا پدا گۆن موسّایا گوَشت: ”هارونا بگوَش: ’وتی اَسایا دستا کن و دستا کئور و جۆ و تَلاوَگانی سرا شهار دئے و مِسرئے مُلکا چه پُگُلا پُرّ کن.‘“