دَرگوَز 6:6 - هُدائے پاکێن کتاب، بلۆچی زبانا

⁶ پمێشکا منی اے پئیگاما اِسراییلیان سَر کن: ’من هُداوند آن. من شمارا چه مِسریانی بیگاریا کشّان و چه گُلامیا آزاتَ کنان. دستا شهارَ دئیان، مِسریان گرانێن سِزا دئیان و شمارا مۆکان.

دَرگوَز 6:6 Кръстосани препратки

زَبور 77:16

آپان ترا دیست، او هُدا! آپان ترا دیست و لَرزِتنت، جُهلانکی دْرَهگا لگّتنت.

زَبور 81:11

”بله کئوما منی هبر گۆش نداشت و اِسراییل منی پرمانبَردار نبوت.

زَبور 81:6

”بارُن چه آییئے کۆپگا دور کرت و دست چه گرانێن سَپتا آزات کرتنت.“

زَبور 81:7

تئو سکّیانی ساهتان پریات کرت و من ترا رَکّێنت، من گْرندان اَندێم اتان و ترا پَسّئو دات، مِریبائے آپانی کرّا ترا چکّاستُن. اۆشت...

دَرگوَز 1:11

بادشاه و آییئے مَنسبداران، بیگارگیر اِشانی کارمستر کرتنت که اِشانی سرا زۆراکی بکننت و گرانێن کارِش ببندنت. بنی اِسراییلیان په پِرئونا دو شهر اَڈّ کرت. یکّێئے نام پیتوم اَت و یَکّێئے رَمِسێس. دوێن اَمباری شهر اَتنت.

دَرگوَز 12:41

اے چار سد و سیێن سالانی گُڈسرا، گُڈّی رۆچئے جندا هُداوندئے سجّهێن مهلوک رُمب رُمبا چه مِسرا دَر آتک.

دَرگوَز 12:51

هما رۆچئے جندا هُداوندا اِسراییلی، رُمب رُمبا چه مِسرا در کرتنت.

دَرگوَز 13:14

اگن باندا تئیی چُکّا چه تئو جُست کرت: ’اے کارا چێا کنگا ائے؟‘ تئو بگوَش: ’هُداوندا گۆن وتی دستئے زۆرا مارا چه مِسرا در کرت و آورت، چه هما مُلکا که اۆدا ما گُلام اَتێن.

دَرگوَز 13:16

اے پَرمانا وتی دستا نِشانے و پێشانیگا ٹِکّے کن و پِر کن چێا که هُداوندا گۆن وتی پُرزۆرێن دستا ترا چه مِسرا در کرت و آورت.“

دَرگوَز 13:3

موسّایا گۆن مردمان گوَشت: ”اے رۆچا مشمۆشێت که شما همے رۆچا چه مِسرا دَر آتکگێت، چه هما مُلکا که اۆدا گُلام بوتگێت و هُداوندا گۆن وتی دستئے زۆرا شمارا چه اۆدا در کرتگ و آورتگ. هُمیری نگن مئورێت.

دَرگوَز 15:13

تئو په مِهر وتی مۆکِتگێن مهلوکئے رهبری کرت و گۆن وتی زۆر و واکا دێم په وتی پاکێن بارگاها آیانی رهشۆنی کرت.

دَرگوَز 16:6

موسّا و هارونا گۆن سجّهێن اِسراییلیان گوَشت: ”مرۆچی بێگاها شما زانێت که چه مِسرا شمئے در کنۆک هُداوند اَت و

دَرگوَز 18:1

میدیانئے دینی پێشوا یَترون که موسّائے جَنئے پت اَت، هما سجّهێن کارانی بارئوا سهیگ بوت که هُدایا په موسّا و آییئے مهلوک اِسراییلا کرتگ‌اَتنت، بزان هُداوندا چۆن اِسراییلی چه مِسرا در کرت و آورتنت.

دَرگوَز 2:11

وهدے موسّا رُست و مزن بوت، یکّ رۆچے وتی مردمانی کرّا شت و آیانی بیگاری و گرانێن کاری دیستنت. موسّایا مِسریے دیست که اِبرانیێا، بزان چه موسّائے جندئے مردمان یکّێا جنَگا اَت.

دَرگوَز 3:17

من کئولَ کنان که شمارا چه اے بزّگیا درَ کنان که مِسرا شمئے سرا آتکگ و شمارا کَنهانی و اَموری و پِریزّی و هێوی و یَبوسیانی مُلکا بَران، هما مُلکا که شیر و بێنگئے جۆ تچگا اَنت.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.

دَرگوَز 32:11

بله موسّایا وتی هُداوندێن هدائے کرّا پریات و زاری کرت و گوَشت: ”او هُداوند! اے مهلوک که تئو گۆن مزنێن واکے و زۆرمندێن دستے چه مِسرا در کرت و آورت، نون اِشان چێا تئیی هِژم بسۆچیت؟

دَرگوَز 6:2

هُدایا گۆن موسّایا هبر کرت، گوَشتی: ”من هُداوند آن.

دَرگوَز 6:29

چُشی گوَشت: ”من هُداوند آن، هرچے که ترا گوَشان، مِسرئے بادشاه پِرئونا بگوَشِش.“

دَرگوَز 6:8

من شمارا هما مُلکا بران که وتی دستُن چِست کرت و سئوگندُن وارت که اِبراهێم و اِساک و آکوبا دئیانی. من آ مُلکا شمارا دئیان که شمئے جندئے مِلکت ببیت. من هُداوند آن.‘“

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 7:5

وهدے وتی دستا مِسرئے هِلاپا چِستَ کنان و بنی اِسراییلا چه مِسریانی نیاما کشّان، نون مِسریَ زاننت که من هُداوند آن.“

کاسِدانی کار 13:17

اے کئومئے هُدا، اِسراییلئے هُدایا مئے پت و پیرُک گچێن کرت و مِسرا جَهمنندیئے وهد و زمانگا سرپراز کرتنت و گۆن وتی زۆر و واکا چه مِسرا در آیگئے رهشۆنی داتنت.