دَرگوَز 6:13 - هُدائے پاکێن کتاب، بلۆچی زبانا

¹³ هُداوندا گۆن موسّا و هارونا هبر کرت و هُکم داتنت که گۆن اِسراییلیان و گۆن مِسرئے بادشاه پِرئونا هبر بکنێت و اِسراییلیان چه مِسرئے مُلکا بکَشّێت.

دَرگوَز 6:13 Кръстосани препратки

زَبور 91:11

تئیی بارئوا پرێشتگان هُکمَ کنت که تئیی سجّهێن راهان، تئیی نِگهپانیا بکننت.

دَرگوَز 6:12

بله موسّایا گۆن هُداوندا گوَشت: ”منی هبر اِسراییلیان گۆش نداشتگ‌اَنت، گڑا پِرئونِش چۆن گۆشَ داریت؟ من وَه کُنٹ‌بئیانێن مردمے آن.“

دَرگوَز 6:14

اِسراییلیانی کَبیلهانی سر و مستر اِش اَنت: اِسراییلئے ائولی چُکّ روبِنئے مردێن‌چُکّ هَنوک و پَلّو و هِسرون و کَرمی اَتنت. روبِنئے ٹَکّ همِش اَتنت.

دَرگوَز 6:26

همے هارون و موسّا اَتنت که هُداوندا گۆن آیان گوَشت: ”اِسراییلیان چه مِسرا رُمب رُمبا بکشّێت.“

مَتّا 4:6

گوَشتی: ”اگن تئو هُدائے چُکّ ائے گڑا وتا چه اِدا جَهلاد دئور بدئے چێا که نبیسگ بوتگ: هُدا په تئیی نِگهپانیا وتی پرێشتگان هُکمَ کنت و آ، ترا وتی دَستانی دلا دارنت تان تئیی پاد ڈۆکێا ملگّیت.“

په تیموتاووسا پولُسئے ائولی کاگد 1:18

تیموتاووس، منی چُکّ! من ترا اے هُکما، هما پێشگۆییانی بُنیادا دئیان که یک رندے تئیی بارئوا کنگ بوتگ‌اَنت تانکه تئو آیانی تْرانگا بکپئے و اے نێکێن جُهدا کُرت بکنئے و

په تیموتاووسا پولُسئے ائولی کاگد 5:21

من ترا هُدا و ایسّا مَسیه و گچێنیێن پرێشتگانی دێما کڈّنَ کنان که هچّ پَرک و پێر مکن و اے سر و سۆجان بزور و هچّ پئیمێن رو و ریا مکن.

په تیموتاووسا پولُسئے ائولی کاگد 6:13

هُدائے بارگاها، هما هُدا که هر چیزّا زندَ بَکشیت و ایسّا مَسیهئے بارگاها، هما مَسیه که پُنتیوس پیلاتوسئے دێما وتی شاهدیئے تها نێکێن اِکراری کرت، من ترا هُکمَ دئیان که

په تیموتاووسا پولُسئے ائولی کاگد 6:17

هما مردم که اے دنیایا هستۆمند اَنت، آیان هُکم بدئے که گُروناک مبێت و وتی اُمێتا گۆن وتی مال و هستیا مبندێت که مال و هستیَ کئیت و رئوت. وتی اُمێتا هُدائے سرا ببندێت که گۆن دَسپَچی مارا اَلکاپ و پراوانێن زندے دنت.

په تیموتاووسا پولُسئے دومی کاگد 2:4

هما سپاهیگ که جنگا رئوت، وتا گۆن اے دگه کاران دَزگَٹَّ نکنت. آ لۆٹیت که منی اَپسر چه من رَزا ببیت.

په تیموتاووسا پولُسئے دومی کاگد 4:1

من ترا هُدا و ایسّا مَسیهئے دێما سئوگِندَ دئیان، هما ایسّا مَسیه که رۆچے نه رۆچے پدا کئیت. کئیت و بادشاهیَ کنت و زندگێن و مُرتگێنانی دادرسیا کنت،