دَرگوَز 40:18 - هُدائے پاکێن کتاب، بلۆچی زبانا

¹⁸ موسّایا تَمبو مِکّ کرت، بُنهِشتی اێر کرتنت، تَهتَگی جَتنت، گوَربَستی مان تَرّێنتنت و مِنُکی مِکّ کرتنت.

دَرگوَز 40:18 Кръстосани препратки

دَرگوَز 40:17

چه مِسرا در آیگئے دومی سالئے ائولی ماهئے ائولی رۆچا تَمبو مِکّ کنگ بوت.

دَرگوَز 40:19

موسّایا پرده شاهدیئے تَمبوئے سرا داتنت و سرپۆشی پردهانی سرا پَچ کرتنت، هما پئیما که هُداوندا موسّا هُکم داتگ‌اَت.

دَرگوَز 40:2

”ائولی ماهئے ائولی رۆچا تَمبوا، بزان شاهدیئے تَمبوا مِکّ کن.

مَتّا 16:18

ترا گوَشان: تئو پِتْرُس ائے و اے تَلارئے سرا من وتی کِلیسائے بُنیاتا اێرَ کنان که مَرکئے زۆر آییا هچبر پرۆشَ ندنت و آییئے سرا سۆبێنَ نبیت.

یوهَنّا 1:14

گال اِنسان بوت و مئے نیاما جاگهی کرت. ما آییئے شان و شئوکت دیست، هما شان و شئوکت که پتئے یکّێن چُکّئیگ اِنت، هما چُکّ که چه رهمت و راستیا سَررێچ اِنت.

په گَلاتیان پولُسئے کاگد 4:4

بله وهد که آتک، هُدایا وتی چُکّ دێم دات. چُکّ اِنسانے بوت و چه پێدائِشا شَریَتئے رهبندانی چێرا اَت،

په تیموتاووسا پولُسئے ائولی کاگد 3:15

اگن من دێر کُرت، تئو بزانئے که هُدائے لۆگئے مردم بایَد گۆن یکدومیا چِه پئیما پێش بیاینت، هما که نمیرانێن هُدائے کلیسائے مردم اَنت و راستیئے مِنُک و بُنیاد اَنت.

پِتْرُسئے ائولی کاگد 1:5

شما هُدائے سرا باور کرتگ و هُدا هم گۆن وتی زۆر و واکا په هما نِجاتا شمئے نِگهپانیا کنت که چه انّونا تئیار اِنت و آهری زمانگا پَدَّرَ بیت.

اِلهام 21:3

و من بُرزێن تئوارے اِشکت که چه تَهتا پێداک اَت، گوَشگا اَت: ”بچار! هُدائے منندجاه مردمانی کرّا اِنت، نون آ وت آیانی کرّا نندۆکَ بیت. آ، هُدائے مردمَ بنت و هُدا وت گۆن آیان یکجاهَ بیت.