دَرگوَز 40:15 - هُدائے پاکێن کتاب، بلۆچی زبانا

¹⁵ اَنچۆ که تئو آیانی پت رۆگن پِر مُشتگ، آیانی جندا هم رۆگن پِر مُش که دینی پێشوا ببنت و منی هِزمتا بکننت. گۆن رۆگن پِر مُشگا آیان دینی پێشواییَ رسیت و اے پێشوایی اَبدمانَ بیت، نَسلانی نَسل.“

دَرگوَز 40:15 Кръстосани препратки

زَبور 110:4

هُداوندا سئوگند وارتگ و پشۆمانَ نبیت، که: ”تئو تان اَبد دینی پێشواے ائے، مَلکیسِدیکئے هِسابا.“

دَرگوَز 12:14

اے په شما یاتگارێن رۆچے ببیت. شما باید اِنت اے رۆچا هُداوندئے ناما جَشنے بکنێت. اے جشنا نَسلانی نَسل اَبدی پرمانێئے هسابا برجاه بدارێت.

دَرگوَز 28:41

اے گُدان وتی برات هارون و آییئے چُکّانی گوَرا دئے. هارون و چُکّان رۆگن پِر مُش و گیشّێن و وَپکِش کن و دینی پێشواییئے کارا همایانی دستا دئے.

دَرگوَز 29:9

کُلاهِش سرا دئے. هارون و آییئے چُکّانی سْرێنا لانکیگ بند. اے اَبدمانێن پرمانے که دینی پێشوایی همایانیگ اِنت. اے کارا هارون و آییئے چُکّانی دَستا دئے.

دَرگوَز 30:31

گۆن اِسراییلیان بگوَش: ’اے منی پِر مُشَگی پاکێن رۆگن اِنت، په شما، نَسلانی نَسل.

دَرگوَز 30:33

هرکَسا اِشیئے پئیمێن وشبۆے اَڈّ کرت یا اَنچێن مردمێا پِری مُشت که دینی پێشواے نه‌اِنت، چه وتی مهلوکا سِندگَ بیت.‘“

دَرگوَز 40:14

هارونئے چُکّان بیار و جامَگانِش گوَرا دئے و

دَرگوَز 40:16

موسّایا سجّهێن کار هما پئیما کرتنت که هُداوندا هُکم داتگ‌اَت.