دَرگوَز 4:18 - هُدائے پاکێن کتاب، بلۆچی زبانا

¹⁸ موسّا پدا وتی ناکۆ یَترونئے کرّا شت و گۆن آییا گوَشتی: ”منا رَزا دئے مِسرا وتی براتانی کِرّا رئوان و چاران که بارێن زندگ اَنت یا مُرتگ‌اَنت.“ یَترونا گوَشت: ”برئو په سلامتی.“

دَرگوَز 4:18 Кръстосани препратки

پێدایش 45:3

ایسُّپا گۆن براتان گوَشت: ”من ایسُّپ آن. منی پت اَنگت هست و سلامت اِنت؟“ برات ایسُّپئے دێما تُرسگا اَتنت و هچّ پَسّئوِش دات نکرت.

دَرگوَز 2:21

موسّا مردئے کرّا جَهمنند بئیگا رازیگ بوت و مَردا وتی جنکّ سَپورَه گۆن موسّایا سور دات.

دَرگوَز 3:1

موسّا وتی ناکۆ، میدیانئے دینی پێشوا یَترونئے رمگا چارێنگا اَت. رمگی زرت و گیابانئے آ دستا، هۆرێبا، بزان هُدائے کۆها شُت.

لوکا 7:50

نون ایسّایا گۆن آ جنێنا گوَشت: ”تئیی سِتک و باوَرا ترا رَکّێنت، په وشّی و سلامتی برئو.“

کاسِدانی کار 15:36

لهتێن رۆچا و رَند، پولُسا گۆن بارنابایا گوَشت: ”سجّهێن هما شهران که ما هُداوندئے هبر رسێنتگ، بیا پدا همۆدا برئوێن و براتان بچارێن که بارێن آ چۆن اَنت.“

کاسِدانی کار 16:36

جێلئے نِگهپانا پولُس هال دات و گوَشت: ”منا چه کازیانی نێمگا پرمان رَستگ که شمارا یله بدئیان. پمێشکا شما په وشّی و سلامَتی برئوێت.“

په تیموتاووسا پولُسئے ائولی کاگد 6:1

هما مردم که گُلامیئے جُگئے چێرا اَنت، باید اِنت بزاننت که آیانی واجه سرجمێن شرپئے لاهک اَنت. اے پئیما هُدائے نام و ایمانئے تالیم بُهتام جنگَ نبنت.