دَرگوَز 4:15 - هُدائے پاکێن کتاب، بلۆچی زبانا

¹⁵ تئو گۆن آییا هبرَ کنئے و هبران آییئے دَپا دئیئے. من شمارا سۆجَ دئیان که چے بکنێت. دپ تئییگ و آییئیگَ بنت و گپّ منیگَ بنت.

دَرگوَز 4:15 Кръстосани препратки

زَبور 25:12

کئے اِنت هما که په دل هُداتُرس ببیت؟ هُداوند آییا هما راستێن راها سۆجَ دنت که باید اِنت گچێنی بکننت.

زَبور 51:15

هُداوندا! منی لُنٹان پَچ کن، تانکه منی دپ ترا ستا بکنت.

دَرگوَز 3:12

هُدایا گوَشت: ”من گۆن تئو گۆنَ بان. تئو که کئوما زورئے و چه مِسرا درَ کائے، شما همے کۆها هُدائے پرستشا کنێت. و اے یکّ نِشانیے بیت که تئیی راه دئیۆک من آن.“

دَرگوَز 4:12

نون برئو، من ترا سۆجَ دئیان که ترا چے گوَشگی اِنت. دپ تئییگَ بیت و گپّ منیگَ بنت.“

دَرگوَز 4:28

موسّایا هما سجّهێن هبر گۆن هارونا کرتنت که هُداوندا په آیانی گوَشگا موسّا راه داتگ‌اَت. هما سجّهێن نشانیانی هالی هم دات که هُداوندا په آیانی پێش دارگا موسّا هُکم داتگ‌اَت.

دَرگوَز 4:30

هارونا هما سجّهێن هبر کرتنت که هُداوندا گۆن موسّایا کرتگ‌اَتنت و هما نشانی‌ای مهلوکئے چمّانی دێما پێش داشتنت.

مَتّا 28:20

آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“

لوکا 21:15

چێا که من شمارا اَنچێن هبرانی زانتکاریا دئیان که هچّ دژمنے شمئے دێما مه‌اۆشتیت و شمئے هبران پرۆشت مکنت.