دَرگوَز 39:42 - هُدائے پاکێن کتاب، بلۆچی زبانا

⁴² اِسراییلیان اے سجّهێن کار سَرجم کرتنت، هما پئیما که هُداوندا موسّا هُکم داتگ‌اَت.

دَرگوَز 39:42 Кръстосани препратки

دَرگوَز 12:28

اِسراییلی شتنت و هما پئیما که هُداوندا موسّا و هارون هُکم داتگ‌اَتنت، هما پئیما کرتِش.

دَرگوَز 35:10

شمئے سجّهێن هُنَرمند بیاینت و اے سجّهێن چیزّان اَڈّ بکننت که هُداوندا هُکم داتگ:

دَرگوَز 39:32

تَمبوئے، بزان شاهدیئے تَمبوئے سجّهێن کار سَرجم بوتنت. اِسراییلیان سجّهێن کار کرتنت. هما پئیما که هُداوندا موسّا هُکم داتگ‌اَت، هما پئیما کرتِش.

دَرگوَز 39:41

دَزگواپێن گُد که پاکێن جاگها هِزمت کنگئے وهدا گوَرا کنگَ بنت، بزان دینی پێشوا هارونئے پاکێن گُد و هارونئے چُکّانی پێشوایی گُد، سجّهێنِش آورتنت.

دَرگوَز 39:43

موسّایا سجّهێن کار چارِتنت و دیستی که آیان کار سَرجم کرتگ. هما پئیما که هُداوندا هُکم داتگ‌اَت، آیان هما پئیما کرتگ‌اَت. نون موسّایا آ برکت داتنت.

مَتّا 28:20

آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“

په تیموتاووسا پولُسئے دومی کاگد 2:15

وتی سجّهێن جُهدا بکن که وتا هُدائے دێما که پێشَ کنئے، هُدائے کبول کرتگێن مردمے ببئے، انچێن کار کنۆکے ببئے که شرمندگ بئیگئے زلورتی مبیت و راستیئے هبرا بے رَدیا بئیان بکنت.

په تیموتاووسا پولُسئے دومی کاگد 4:7

من وتی نێکێن جُهد کرتگ، من وتی زندئے تاچ و مئیدان سَرجم کرتگ و وتی ایمانئے سرا اۆشتاتگان.