دَرگوَز 36:8 - هُدائے پاکێن کتاب، بلۆچی زبانا

⁸ اے هُنَرمندان شاهدیئے تَمبوئے دَهێن پرده اَڈّ کرتنت. اے پرده چه هورت‌گواپێن لیلُم و چه آسمانی و جَمو و سُهرێن پَژما گوَپَگ بوتنت. هُنرمندێن اِزمکارێا اے پردهانی سرا کَرّوبیئے نَکش جۆڑ کرت.

دَرگوَز 36:8 Кръстосани препратки

دَرگوَز 25:18

تِلاهئے دو کَرّوبی اَڈّ کن، تلاها بزور و ٹَپّ و اَڈِّش کن. اے کَرّوبیان سرپۆشئے دوێن سَران اَڈّ کن،

دَرگوَز 25:22

من همۆدا تئیی دێما زاهِرَ بان و گۆن تئو هبرَ کنان، چه سرپۆشئے بُرزا، چه شاهدیئے پێتیئے سرئے دوێن کَرّوبیانی نیاما اِسراییلیانی بارئوا هر پرمانے که هست، ترا گوَشانِش گۆن.

دَرگوَز 31:6

من چه دانئے کَبیلها اَهیسامَکئے چُکّ اُهولیاب هم گِچێن کرتگ که بِسَلێلا کُمَکّ بکنت. من سجّهێن هُنَرمند دانایی بکشاتگ‌اَنت که هما سجّهێن چیزّان اَڈّ بکننت که من ترا هُکم داتگ:

دَرگوَز 31:7

شاهدیئے تَمبو و شاهدیئے پێتی و پێتیئے سرئے سرپۆش و تَمبوئے اے دگه سجّهێن سامانان،

دَرگوَز 35:10

شمئے سجّهێن هُنَرمند بیاینت و اے سجّهێن چیزّان اَڈّ بکننت که هُداوندا هُکم داتگ:

دَرگوَز 36:9

سجّهێن پرده یکّێن کَدّ و ماپا اَتنت. همُک پرده دْراجیا بیست و هَشت دَست و پْراهیا چار دَست اَت.

دَرگوَز 39:3

آیان تلاهئے نازُرکێن تاک ٹَپِّت و تئیار کرت. تاکِش دْراج دْراجا بُرِّتنت و بندیکِّش اَڈّ کرت که گۆن آسمانی و جَمو و سُهرێن پَژم و هورت‌گواپێن لیلُما هئوارِش بکننت. اے کار هُنرمندێن اِزمکارێا کرت.