دَرگوَز 36:35 - هُدائے پاکێن کتاب، بلۆچی زبانا

³⁵ چه آسمانی و جَمو و سُهرێن پَژما و هورت‌گواپێن لیلُما پردهے اَڈِّش کرت و هُنرمندێن اِزمکارێا اِشیئے سرا کَرّوبیئے نَکش اَڈّ کرتنت.

دَرگوَز 36:35 Кръстосани препратки

دَرگوَز 26:1

په شاهِدیئے تَمبوا دَه پرده اَڈّ کن. اے پرده چه هورت‌گواپێن لیلُما و چه آسمانی و جَمو و سُهرێن پَژما گوَپَگ ببنت. هُنرمندێن اِزمکارے اے پردهان کَرّوبیئے نَکش پِر بکنت.

دَرگوَز 30:6

کُربانجاها هما پردهئے دێما اێر کن که شاهدیئے پێتیئے دێما اِنت، بزان کَپارَتئے سرپۆشئے دێما که شاهدیئے وانِکانی سربرا اِنت، هما جاگها که من گۆن تئو گِندُکَ کنان.

دَرگوَز 36:34

تَهتَگِش گۆن تلاها سرپۆش کرتنت و په گوَربَستانی دارگا تِلاهئے کَڑی‌اِش اَڈّ کرت. گوَربَستِش هم گۆن تلاها سرپۆش کرتنت.

دَرگوَز 36:36

په اے پردهئے دْرَنجگا چار چِگردی مِنُکِش اَڈّ کرت و گۆن تلاها سرپۆشِش کرتنت، تلاهئے کَڑی‌اِش هم اَڈّ کرت و په مِنُکان نُگرهئے چار بُنهِشتِش اَڈّ کرت.

دَرگوَز 40:21

پێتی‌ای تَمبوئے تۆکا برت و پردهی پێتیئے دێما درَتک و پێتی‌ای چێر و اَندێم کرت، هما پئیما که هُداوندا موسّا هُکم داتگ‌اَت.

مَتّا 27:51

هما وهدا مزنێن پرستشگاهئے پرده، بُرزادا بگر تان جَهلاد، دِرت و دو بهر بوت، زمین لَرزت و تَلار ترَکِّت و کپ بوتنت،