دَرگوَز 34:5 - هُدائے پاکێن کتاب، بلۆچی زبانا

⁵ هُداوند جمبرئے تها بوت و اێر آتک و موسّائے کِرّا اۆشتات و وتی نامئے جاری جت که من یَهوِه آن.

دَرگوَز 34:5 Кръстосани препратки

زَبور 102:21

که سَهیونا هُداوندئے ناما جار بجننت و اورشَلیما آییئے ستایا بکننت،

دَرگوَز 19:18

سینائے کۆه دوتّێا مان پۆشتگ‌اَت، چێا که هُداوند آسێئے تها کۆهئے سرا اێر آتکگ‌اَت و اے آسئے دوتّ چۆ کورَهئے دوتّا چِست اَتنت و سَرجمێن کۆه سکّ لرزگا اَت.

دَرگوَز 19:9

هُداوندا گۆن موسّایا گوَشت: ”بچار، من بَزێن جمبرێئے تها تئیی کرّا کایان که وهدے من گۆن تئو هبرَ کنان، مهلوک بِشکُنت و مُدام تئیی سرا باوَر بکنت.“ موسّایا مهلوکئے هبر گۆن هُداوندا گوَشتنت.

دَرگوَز 23:21

آییئے اِهتِراما بکن و هبرانی گۆش دار. آییئے هلاپا پاد مئیا که تئیی ناپرمانیا نبکشیت. چێا که منی نام آییئے باتِنا اِنت.

دَرگوَز 33:19

هُداوندا گوَشت: ”من وتی سجّهێن نێکیا ترا پێشَ داران و تئیی دێما وتی نام یَهوِهئے جارا جنان. هرکَسئے سرا که منا رهمت گوارێنگی اِنت، وتی رهمتانَ گوارێنان و هرکَسئے سرا که منا رهم کنگی اِنت، رهمَ کنان.

دَرگوَز 33:9

وهدے موسّا تَمبوا شت، جمبرئے مِنُک اێرَ آتک و تَمبوئے دپا اۆشتات و هُداوندا گۆن موسّایا هبرَ کرت.