دَرگوَز 34:11 - هُدائے پاکێن کتاب، بلۆچی زبانا

¹¹ ترا مرۆچی هر هُکمے که دئیان، هما پئیما بکن. من اَموری و کَنهانی و هیتّی و پِریزّی و هێوی و یَبوسیان چه تئیی دێما دورَ کنان.

دَرگوَز 34:11 Кръстосани препратки

دَرگوَز 23:28

من وتی کَهرا چه تئو پێسر راهَ دئیان و هێوی و کَنهانی و هیتّیان چه تئیی دێما دورَ کنان.

دَرگوَز 3:17

من کئولَ کنان که شمارا چه اے بزّگیا درَ کنان که مِسرا شمئے سرا آتکگ و شمارا کَنهانی و اَموری و پِریزّی و هێوی و یَبوسیانی مُلکا بَران، هما مُلکا که شیر و بێنگئے جۆ تچگا اَنت.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.

دَرگوَز 33:2

من پرێشتگے چه تئو پێسر راهَ دئیان و کَنهانی و اَموری و هیتّی و پِریزّی و هێوی و یَبوسیانَ گلّێنان.

دَرگوَز 8:27

ما باید اِنت گیابانا سئے رۆچئے راها برئوێن و په وتی هُداوندێن هُدایا کُربانیگ بکنێن، هما پئیما که هُدایا مارا گوَشتگ.“

مَتّا 28:20

آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“

یوهَنّا 14:21

آ کَسا که منی هُکم گۆن اَنت و اِشانی سرا کارَ کنت، هما کَس منا دۆستَ داریت. آ که منا دۆستَ داریت، منی پت هم آییا دۆستَ داریت و من هم آییا دۆستَ داران و وتا په آییا زاهرَ کنان.“